Komeleya Rewşenbîrî û Civakî ya Yarsan merasîmek rêzgirtin û rûmetê ji bo hejmarek hunermendên netewî yên Kurd hat lidarxistin û hunermend hatin xelatkirin.
Di destpêka merasîmê de, Serokê Komeleya Rewşenbîrî û Civakî ya Yarsan, Herêm Kakeyî gotarek pêşkêş kir û wiha got; “Îro em li baregeha Yarsan kom bûne. Em dixwazin ji dijminên xwe re bêjin ku sînorên çêkirî yên ku we hêvî dikirin hêdî hêdî çêdibin hatin rakirin û di vê çarçoveyê de, îro hunermendên ji Rojava, Bakur û Başûr livir in û em dixwazin xelatek bidin wan.”
Piştre hunermend Luqman Selîm jî di merasîmê de axivî û ev tişt got; “Ez kêfxweşim ku îro li Çemçemalê me. Şoreşa Rojava xalek mezin a werçerxê bi xwe re anî. Di seranserê dîrokê de, Kurd qet wekî niha yekgirtî nebûne. Şoreşa Rojava sedema vê yekitiyê bû.”
Her wiha Luqman Selîm da zanîn ku wan di serdana xwe ya Rojava de, dema ku ew bi rêveberên navdar ên Rojavayî re civiyan, kêfxweşiya xwe ji bo piştgiriya Başûr, bi taybetî Silêmaniyê, ku piştgiriyek baş ya Rojava bû, anî ziman.
Her wisa Serokê eşîra Lek Cûma Kiwêxa Elî, di merasîmê de axivî û got ku hunermend têkoşîna xwe bi hunera xwe dimeşînin, huner jî beşek ji têkoşîn û berxwedanê ye.
Hunermend Delîl Mîrsaz jî li ser navê hemû hunermendên Rojavayê Kurdistanê silavên xwe pêşkeşî beşdaran kir û got; “Em bi ruhê germ yê Şoreşa Rojava li vir amade ne. Ruhê Başûrê Kurdistanê li Rojavayê Kurdistanê guhertinek mezin çêkiriye.
Hunermend Nesrîn Botan di merasîmê de strana ‘Jin Jiyan Azadî’ pêşkêş kir û di dawiya merasîmê de, xelatên rêz û rûmetê pêşkêşî hunermendan hat kirin.
