Cenazeyê gerîlayê HPG’ê Roşer Tolhildan (Alî Kemal Arslan) di êrîşa dewleta Tirk de di 19’ê Îlona 2019’an de li Semsûrê şehîd bû, ji goristana bêkesan a li Meletiyê ku lê hatibû veşartin hate girtin û anîn Semsûrê.
Cenazeyê Roşer Tolhildan li ber deriyê Goristana Karapinarê ji aliyê MEBYA-DER, malbat, xizmên şehîd û nûnerên gelek partî û rêxistinên demokratîk ve hate pêşwazîkirin. Girseyê cenazeyê Tolhildan hilgirt û dirûşmeyên “Şehîd namirin” û “Bijî Serok Apo” ber bi goristanê ve meşiyan. Cenazeyê Tolhildan bi xwedin duayan hate veşartin.
Piştî deqeyeke rêzgirtinê, Hevserokê MEBYA-DER’ê yê Rihayê Erhan Akyilmaz axivî û got, “Heval Roşer jiyan û xatirxwestina xwe veguherand meşek bi rûmet. Şehadeta wî ne dawî ye, lê wekî pêşerojek azad diyarî gel kir. Şehîd namirin.”
Dayika Aştiyê Adalet Çay di xaftin xwe de Şehîdên Azadiyê bi bîr anî û got, “Em destê xwe ji bo aştiyê dirêj dikin. Bila ev şer û xwîn bi dawî bibe. Bila gav bê avêtin.”
Hevserokê DEM Partiyê yê Semsûrê Mehmet Bayir diyar kir ku Roşer Tolhildan ji bo azadiya Kurdistanê têkoşiya û got, “Em soz didin ku heta ev welat azad bibe em ê têbikoşin.”
