Meclisa Malbatên Şehîdan a Bajarê Hesekê yê kantona Cizîrê ji bo şervanê QSD’ê Xelîl Hesekê (Ebduselam Berho Nasir) ê ku 2’yê Îlonê li gundewarê Hesekê li ser erkê xwe şehîd bûbû, merasîma cenaze lidar xist.
Merasîm bi beşdariya sedan şêniyan li Pakrewangeha Şehîd Dijwar a li gundê Dawidiyê yê bakurê bajarê Hesekê hat lidarxistin.
Piştî deqeya rêzgirtinê bi navê Meclisa Malbatên Şehîdan a bajarê Hesekê endamê meclisê Ehmed Hirês axivî. Ehmed El Hirês di axaftina xwe de anî ziman ku şehîd bi bedena xwe bar dikin, lê fedakarî û bîranînên wan zindî ne û wiha domand: “Şehîd li destkeftiyên şexsî negeriyan, lê ji bo welatekî azad û rûmet canê xwe feda kirin. Peyama şehîdan wê bimîne û ji nişfekî derbasî nişfek din bibe.”
Ji fermandarên Meclisa Leşkerî ya Hesekê Birûsk Hesekê jî axivî û got: “Em bejna xwe li hemberî şehîdên me yên leheng ên ku di rêya azadî, keramet û jiyana hevbeş de canê xwe kirine feda, ditewînin. Şehîdan rêya azadiyê nîşanî me dan. Em ê heya pêkanîna xeyalên wan û hêviyên gelên xwe şopdarên rêya şehîdan bin.”
Piştî axaftinan, endama Meclisa Malbatên Şehîdan Maya Elî nasnameya şehîd xwend û radestî malbata wî kir.
Girseyê cenazeyê şehîd bi tilîliyên dayikan û dirûşmên dilsoziya bi şehîdan re spart axê.
