Bi sedan şêniyên kantona Firatê, endamên saziyê Rêveberiya Xweser, partiyên siyasî, rêxistinên jinan cenazeyê endama Tevgera Civaka Demokratîk (TEV-DEM) Zozan Nebo ya 15`ê Kanûnê (2025) ji ber nexweşiyê li Reqayê şehîd bûbû, îro bi merasîmeke girseyî li Pakrewangeha Şehîd Dîcle ya Kobanê veşartin.
Merasîmê bi deqîqyek rêzgirtinê dest pê kir. Piştre ji fermandarên Yekîneyên Parastina Jin (YPJ) Emîra Mihemed sersaxî ji malbata şehîd Zozan re xwest û diyar kir ku ew ê şopdarên rêya şehîdan bin.
Emîra Mihemed destnîşan kir ku ew ê heya azadiyê xewn û xeyalên şehîdan pêk bînin û wiha got: “Şehîdên me nasname, hebûn û hêza me ne. Em ê şopadêrên rêya wan bin û asta têkoşîn û berxwedanê xurttir bikin.”
Hevserokê Meclisa Malbatên Şehîdan a bajarê Çelebî yê girêdayî kantona Firatê Esaed Ebûd diyar kir ku ew ê şopdarên mîrateya şehîdan bin û wiha got: “Şehîdan rêya heqîqet û azadiyê ji me re ava kir. Ji ber vê yekê em ê şopdarên rêya wan bin.”
Li ser navê malbata şehîd Zozan Zelîxa Elî anî ziman ku ew bi şehadeta Zozanê serbilind in.
Piştî axaftinan wesîqeya şehadetê hate xwendin û radestî malbatê hate kirin. Cenazeyê şehîd Zozan bi tilîliyên dayikan û dirûşmên “Şehîd namirin” spartin axê.
