Di saetên êvarî de li Binarê Qendîlê bi merasîmeke girseyî û tevlîbûna malbatên şehîdan û gelek kesî cenazeyê şervanê enternasyonalsît Resûl Tude bi nasnav Fûat Mûstefa Sultanî li Binarê Qendîlê hate veşartin.
Di merasîmê de peyama Partiya Jiyana Azad ya Kurdistanê (PJAK) hate xwendin û ev yek hate gotin: “Şervan Fûad ne tenê şervan bû, pireke têkoşînê ya xwişk- biratiya gelan bû. Vîna wî ya polayî kir ku sînorên netewî û erdnîgarî derbas bike.”
Li ser navê PYD’ê Heval Mistefa axivî û sersaxî da malbatên şehîdan û got: “Şehîd Fûad di gelek çalakiyên lehengî yên dijî çeteyên DAÎŞ’ê hate kirin de cih girt. Xwîna xwe ji bo parastina destkeftiyên Rojavayê Kurdistanê rijand.”
Di dewama merasîmê de Hevseroka Meclisa Gel ya Binarê Qendîlê Lavan Mihemed axivî û destnîşan kir ku Qendîl mala azadîxwazan e.
Her wiha Serdar Qadir jî helbestek di merasîmê de xwend.
Piştre cenazeyê şehîd Fûad bi dirûşman hate veşartin.
