Cenazeyê şervanê Hêzên Sûriyeyê Demokratîk (QSD) Zinar Kobanê (Şêxo Cimo) ê ku di 18`ê Hezîrana 2025`an de li Qerarîşkê yê Kobanê şehîd bûbû, bi merasîmeke biheybet li Pakrewangeha Şehîd Dîcle hat veşartin.
Merasîm bi rêzgirtina ji bo giyanê şehîdan dest pê kir. Di merasîmê de Hevseroka Partiya Yekîtiya Demokratîk (PYD) a Kantona Firatê Bêrîvan Îsmaîl sersaxî ji malbata şehîd Zinar Kobanê re xweset û bejna xwe li hember darbestê şehîd tewand.
Bêrîvan Îsmaîl anî ziman ku şehîd Zinar bê dudilî, heta kêliya dawiyê têkoşîn meşand û got: “Şehîd Zinar Kobanê timî li kêlek hevalên xwe di nava têkoşîn û berxwedanê de bû. Ji bo ku axa xwe biparêzin şervanên me heta kêliya dawî têkoşîn dikin. Em bi şehadeta şehîdên xwe serbilind in. Em soz didin şehîdên xwe ku em ê şopdarê rêya wan bin.”
Endamê Meclîsa Leşkerî ya Kobanê Mihemed Oso diyar kir ku ew ê şopdarê rêya şehîd Zinar Kobanê bin, xewn û xeyalên şehîdên xwe pêk bînin. Bi domdarî Mihemed Oso wiha got: “Em soza xwe ji bo giyanê şehîdên xwe nû dikin, em ê heta dawiyê li hemberî dijmin tê bikoşin û serkeftinê misoger bikin.”
Piştî axaftinan wesîqeya şehîd hate xwendin û radestî malbata wî hate kirin.
Cenazeyê şehîd Zinar Kobanê bi dirûşmeya “Şehîd şamirin” hat veşartin.
