Ciwanên Şengalê ji bo azadiya fizikî ya Rêber Apo meşiyan. Meşa ku di pêşengiya Yekitiya Ciwanên Êzîdxanê de destpê kir, bi pankarta ‘Bi Dînamîzma Şehîd Ronî Gever Xwe Rêxistin Bikin û Azadiya Fizikiya Rêber Apo Misoger Bikin’, posterên Rêber Apo ji ber Meclisa Gela Şengalê hate dewreya pîranî dewam kir. Gelek endam û rêveberên saziyên girêdayî Rêvebiriya Xweser a Şengalê jî tevlî meşê bûn.
Di meşê de dirûşmên ‘Em ciwan Fediyiyên Ocalan in’, ‘Bê Serok Jiyan Nabe’ û ‘ Biji Serok Apo’ hatin berzkirin. Li Dewreya Pîran li ser navê ciwanan daxuyanî ji aliyê Endama Koordînasyona Yekîtiya Ciwanên Êzidxanê Lîza Xerî ve hate xwendin.
Di daxuyaniyê de bal kişnadin ser van xisûsan: “Em Yekîtiya Ciwanên Êzîdxan vê meşê ji bo azadiya fîzîkî ya Rêber Apo pêk tînîn. Ji ber Rêbertiya me ev 27 sale li girtigeha Îmraliyê tekoşîn û berxwedaniyeka bê hempa dide nîşandan.
Lê hêzên nevnetewî mafên heviyê ji bo Rêbertî didin dest dewleta Tirk, ev hêz û dewlete Tirk ji bo pêvajoya ku Rêbertî daye destpêkirin hewl didin vala derxînîn. Me wekî ciwanên Êzîdxanê nameyên ku Rêbertî ji bo me û civaka me şandine, xwendin. Em ê bi ruhê heval Ronî Gever tevlî pêvajoyê bibin. Heta dawî em li pişt Rêberê xwe ne û Rêber Apo vîna me ye.”
Piştî daxuyaniyê endama Yekitiya ciwanên Êzîdxanê Emîra Zozan ji axivî wiha got: “Em îro ji bo azadiya Rêbertiya xwe meşiyan. Wê çalakiyên me heta azadiya fîzîkî ya Rêber Apo dewam bike.”
Çalakî bi berzkirina dirûşmeyan bi dawî bû.
