HPG’ê di daxuyaniya 11’ê Tebaxê de ragihandibû ku fermandarê gerîla Koçero Urfa 4’ê Mijdara 2019’an di êrışa hewayî de şehîd bû.
Ji bo fermandarê şehîd, li warê wî li taxa Amara ya navçeya Xelfetî ya Rihayê serdanên sersaxiyê têne kirin.
Di roja destpêkê de girseya gel serdana malbata Arslan kir.
Dayik Fadîle Arslan anî ziman ku 33 salan wê nekarî agahiyê ji kurê xwe werbigire û got, “Mirov qala mirovatiya Metîn bike, wê têrê neke. Li Nîzîpê ma, li wir xwend, bi hevalên xwe re baş bû. Li Îzmîrê mafê xwendina zanîngehê bi dest xist, çû wê derê. 33 sal in min nekarî agahiyê jê werbigirim. Ez bi wî serbilind im. Çi serfiraz im ku min ewladekî welê mezin kiriye.”
