Dayikên Şemiyê û parêzvanên mafên mirovan ji bo aqûbeta kesên di bin çavan de hatine windakirin bipirsin û ji bo darizandina faîlan, li Qada Galatasarayê hatin ba hev. Di çalakiya hezar û 54’an de aqûbeta Veysel Gunel hate pirsîn ku ji aliyê rêveberiya darbeya 12’ê Îlonê ve hate îdamkirin û cenazeyê wî nedan malbatê.
Berdevka Meclîsa Jinan a Partiya Wekhevî û Demokrasiyê ya Gelan (DEM Partî) Halîde Turkoglû jî beşdarî çalakiyê bû. Di çalakiyê de wêneyên windayan û qurnefîl hatin hildan.
Li vir Endama Komîsyona Windayan a ÎHD’ê Zeynep Yildiz axivî û bi bîr xist ku goristaneke ku xizmên windayan di cejnê de biçin serdanê, nîne.
Zeynep Yildiz çîroka Veysel Guney vegot û destnîşan kir ku heya edalet pêk tê, ew ê têbikoşin.
Piştre xwişka Yusuf Erîştî yê di bin çavan de hatî windakirin, Sevîm Erîştî axivî û got, “Her kes pirs dike zarokên Dayikên Şemiyê li kuderê ne. 30 sal in ti cejin ji me re çênebuye. Bila kevireke me ya gorê hebe. Me dayik û bavê xwe winda kir. Em li xwik û birayên xwe digerin.” Erîştî nerazîbûn nîşanî bariyerên polîsan ên li Qada Galatasarayê da.
Çalakî bi danîna qurnefîlan, bi dawî bû.
