Newroz Uysal Aslan di pêşnûmeqanûnê de bal kişand ser biryarên DMME’yê ku di cezayên muebbetê de nebûna mafê hêviyê wekî muameleya li dijî mirovahiyê pênase kiriye.
Hate diyarkirin ku li Tirkiyeyê piştî sala 2004’an bi rakirina cezayê darvekirinê re sîstema muebbetê hate destpêkirin û bi tecrîdkirina girtiyan a ji civakê re armanca rehabîlîtasyonê ji holê rakir.
Di pêşniyarê de bal kişand ser biryarên ji bo Rêber Apo, Kaytan, Gurban û Vînter û diyar kir ku rejîma înfazê ya heyî wekî binpêkirina xala 3’yemîn a DMME’yê hate nirxandin. Hate destnîşankirin ku girti di hucreyên yekkesî de tên girtin, hefteyê tenê saetekê mafê wan ê derketina hewşê heye û sînordarkirina hevdîtinên malbatî û telefonê tê wateya “binpêkirina mafê hêviyê”.
Pêşnûmeqanûna DEM Partiyê her wiha balê dikşîne ser banga Komîteya Wezîran a Konseya Ewropayê ya ji bo reformên qanûnî yên li Tirkiyeyê. Hate destnîşankirin ku rejîma cezayê muebbeta girankirî di destpêkê de Rêber Apo hedef girt, lê bi demê re veguherî bê edaletiyeke binyadî ku bandorê li hezaran girtiyan dike.
Newroz Uysal Aslan anî ziman ku ev pêşniyar wê li ser bingeha aştî, wekheviya hemwelatî û yekîtiya demokratîk bibe gaveke girîng a ji bo ji nû ve avakirina pêvajoyê.
