Rojeva bingehîn a civînê bûyerên piştî banga ‘Aştî û Civaka Demokratîk’ a Rêber Apo ye.
Di civînê de li gel qonaxa heyî ya pêvajoya aştî û çareseriya demokrartîk, kêmasî û astengî jî têne nirxandin. Her wiha rê û rêbazên meşandina pêvajoya nû ya ji bo demokratîkbûna Tirkiyeyê û rola partiyên li meclîsê yên di vê pêvajoyê de bi berfirehî tê nîqaşkirin.
Di civînê de pêşniyar û peyamên Rêber Apo yên li ser pêvajoyê têne nirxandin, her wiha ji bo vegotina pêvajoya nû ji civakê re amadekariyên çalakiyan tên nîqaşkirin.
DEM Partî dixwaze di dema bê de bi 1.950 civînên gel, ‘Şahiyên Demokrasiyê’ û kombûnên cuda yên herêmî yekser têkiliyê bi gel re dîne.
Piştî civînê wê berdevka partiyê Ayşegul Dogan saet di 15:00 de li Navenda Giştî ya DEM Partiyê li ser naveroka civînê daxuyaniyekê bide çapemeniyê.
