Li gorî Rêxistina Mafên Mirovan-Efrîn, di 5ˊê Îlona 2025ˊan de malbateke Efrînî, ya ku 8 sal e bi darê zorê koçber bûye, ya ji gundê Qenterê yê bajarê Mabeta yê Efrînê, vegerî gundê xwe. Lê taviliya vegeriye gund çeteyên dewleta Tirk a dagirker bi ser wan de girt û ciwanê bi navê Hesen Îbrahîm Celo (26) revand.
Rêxistinê da zanîn ku di serdegirtina malê de, çeteyan li pêş malbatê li kurê wan da, piştre jî li bavê wî da û telefonên hemûyan desteser kirin.
Rêxistinê diyar kir ku heta vê kêliyê aqûbeta wî ciwanî ne diyar e, malbat û xelkê gund bi fikar in.
Dewleta Tirk a dagirker û çeteyên wê li herêmên dagirkirî yên Sûriyeyê, bi taybet li Efrînê sûcên revandin, lêdan, îşkence û guhertina demografîk didomînin.
