Serdozgeriya Komarê ya Stenbolê derbarê Kongreya Demokratîk a Gelan (HDK) de lêpirsîn dabû destpêkirin û di 18’ê Sibatê di çarçoveya lêpirsînê de li 10 bajaran bi ser malan de hatibû girtin. Rojnameger, hunermend, siyasetmedar û sendîkavan jî di nav de 51 kes di serdegirtinên malan de bi îdiaya “endamtiya rêxistinê” hatibûn binçavkirin.
Karûbarên îfadegirtinê yên binçavkiriyan ên li Midûriyeta Emniyetê ya Stenbolê di saetên serê sibehê de bi dawî bûn. Her 51 binçavkirî ji bo îfadeya li dozgeriyê sewqî Edliyeya Stenbolê ya li Çaglayanê hatin kirin. Dozgeriyê bi hinceta “endamtiya rêxistinê” ji 51 kesan 16 jê bi şertê kontrola edlî serbest berdan û 35 kes jî bi daxwaza girtinê sewqî Dadgeha Cezayên Sulhê kir.
Dadgehê bi îdiaya “endamtiya rêxistinê” ji bo 11 kesan biryara girtinê da. Karûbarên îfadeyê yên 40 kesan jî berdewam dike.
Navên kesên hatine girtin wiha ye: “Atîlla Ozdogan, Ece Yilmaz Karabacak, Ozlem Feza Sezer, Yakûp Kadrî Karabacak, Aynûr Cengîz, Ayşe Bengî Çelîk, Dîlek Posl, Erkîn Barin Goyluler, Kardelen Taş, Melek Kizilocak û Şengul Erdogan.”
