Li ser banga seferberiya giştî ya ku Rêveberiya Xweser ji bo parastina herêmê ji êrişan ragihandiye, ciwan û şêniyên taxa Xerbî ya bajarê Qamişlo ya kantona Cizîrê daxuyaniyek da. Şêniyan di daxuyaniyê de avakirina tabûra bi navê Şehîd Denîz Çiya ragihand.
Di daxuyaniyê de hate gotin, “Ji ber van êrişên li ser axa me têne kirin, em tevlîbûna xwe ya bo seferberiya giştî radigihînin, da ku gel, ax û welatê xwe biparêzin. Dem dema rûmet û parastina welat e.”
Di daxuyaniyê de bang li tevahî şêniyên herêmê hat kirin ku welat biparêzin. Hate gotin, dê li ser şopa şehîd Ziyad Heleb û Denîz Çiya berxwedanê berdewan bikin û dê serkeftin para gel be.
Şêniyên gundê Til Cemal yê bajarê Girkê Legê yê kantona Cizîrê ku tev li seferberiyê bûne, ragihandin ku ew bi hemû hêza xwe amade ne li kêleka şervanên xwe şer bikin û parastina welat bikin.
Şêniyan hişiyarî li ser hewildanek ku tevlîheviyê di navbera şêniyan de derxîne dan û piştrast kirin ku “Kurd xwedî dozekê ne û ew parastina şeref û rûmeta xwe bikin, ji ber ku ew aşiqê mirovahî û aştiyê ne, her wiha dixwazin bi azadî û rûmet li ser axa xwe bi jiyana hevbeş bi hemû pêkhatiyan re bijîn.”
Şêniyên bajarê Girkê Legê jî li qada Şehîd Xebat kom bûn û li tabûrek ava kir.
