Di daxuyaniyê de hate destnîşankirin ku herdu kesayet fermandarên welê bûn ku bi kedeke mezin mohra xwe li têkoşîna azadiyê ya Kurdistanê xistin.
Partiyê diyar kir ku Koçero Urfa li her qada ku lê ma bi kesayetiya xwe ya dilnizm û pratîka xwe ya piştevaniya şoreşgerî şoreşgerekî mînak bû û di dîroka têkoşînê de têkiliyên şoreşgerî yên xurt bi gelek hevrêyan re danî.
Ji bo Nûreddîn Sofî jî ragihand ku di birêxistinkirina Şoreşa Rojava de wezîfeyên girîng bi cih anî û wê bi nêzîkatiya xw eya piştevaniyê ya ji şoreşgerên enternasyonalîst re nîşan dida bê bîranîn.
Di daxuyaniyê de hate gotin, “Hevrê Koçero Urfa û Nûreddîn Sofî nirxên girîng ên têkoşîna şoreşa yekbûyî ya Tirkiye û Kurdistanê ne. Her cûre êrîş û polîtîkaya komkujiyê ya desthilatdariya faşîst wê nikaribe têkoşîna azadiyê ya Kurdistanê asteng bike. Armancên wan ên azadî, şoreş û sosyalzîmê ji aliyê nifşên nû ve her tim bêne hilgirtin.”
Partiyê destnîşan kir ku êrîşên faşîzm û emperyalîzmê wê nikaribe têkoşîna bindestan rawestîne.
