Komeleya Lêkolînê ya Zanistên Olî ya Wanê, têkildarî êrişên li ser Rojavayê Kurdistanê û dorpêça li ser Kobanê li Qada Bajêr a li navçeya Rêya Armûşê ya Wanê daxuyanî da. Di daxuyaniyê de pankarta “Rojava rûmeta mirovahiyê ye û xeta sor e” hat vekirin û dirûşmên “Bijî berxwedana Rojava” û “Rojava Rojhilat e Kurdistan yek welat e” hat vekirin. Endam û rêveberên partiyên siyasî, Dayikên Aştiyê, aktivîstên TJAyê, nûnerên saziyên sivîl û gelek welatî tev li daxuyaniyê bûn.
Di daxuyaniyê de rêveberê Federasyona Lêkolînên Îslamî ya Mezopotamyayê Lokman Ozdemîr bi ayetek Qûranê dest bi axaftina xwe kir. Lokman Ozdemîr destnîşan kir ku ola Îslamê aştiyê û biratiyê emir dike û got: “Xwedê bang li misilmanan dike ku bi edalet bin, baş bin, mafên cîranê xwe biparêzin. Gelek kes û kesayet li ser navê Îslamê, tarîqatan heqaretê li gelê Kurd dikin. Dema Seddam komkujiya Helepceyê kir, Yasîn Erefat got ku we baş kiriye ku ew zarokên şeytanan ketil kir, lewma wan peykerê Seddam li Meydana Filistînê bi cîh kir. Fettûllah Gulen jî nifîr li Kurdan dikir û niha jî Cubbelî Hoce heye ew heman tiştan dike. Herî dawî jî Îsmaîl Hunercî banga komkujiya Kurdan li leşkeran kir. Em jiyaneke demokratîk û bi edalet dixwazin û van nêzîkbûnên şaş qebûl nakin.”
Pişte metna daxuyaniyê hat xwendin. Daxuyanî bi berzkirina dirûşman bi dawî bû.
