Ji ber salvegera 25’an a komploya navneteweyî, ku li dijî Rêberê Gelê Kurd Abdullah Ocalan hate kirin, komek ji gerîlayên HPG û YJA Starê di bernameyeke taybet a Stêrk TV’yê de axivîn û asta komployê nirxandin. Gerîlayan her wiha bi vîn û azweriyeke mezin biryardariya xwe ya bilindkirina têkoşînê û têkbirina komployê anîn ziman.
‘RÊBER APO BI FIKIR Û PÊŞBÎNIYÊN XWE KOMPLO VALA DERXIST’
Nirxandinên gerîla yên di bernameyê de bi vî rengî ne: “Beriya 25 salan derketina Rêber Apo ya ji Sûriyeyê bi mebesteke aştiyane bû. Rêber Apo xwest li deriyê hêzên ku bi aştiyê û mafên mirovan bang dikirin û xwe alîkarê gelên bindest didane nîşandan bide. Lê wan hêzan berjewendiyên gelan dane aliyekî û li gorî berjewandiyên xwe yên desthilatdariyê tevgeriyan. Armanca esasî ji vê komployê dewamkirina şer û rijandina xwîna gelan bû.
Di şexsê Rêber Apo de komplo li ser gelê Kurd û Tirk jî hate kirin. Lê Rêber Apo bi fikir û pêşbîniyê xwe ev komplo vala derxist. Rastiya wan hêzên komploger naskiribû. Lewra tevî ku dîl hat girtin jî, dîsa deriye aşîtiyê vekirî hişt û nehişt bigihjin armanca xwe. Gelek caran Rêber Apo ji Îmraliyê bangewaziyên ji bo demokarsî û aşîtiyê kirin, gelek firest û şens pêşkêş kirin ji bo ku doza Kurd bigihije çareseriyeke mayende. Li hember vê hêzên komploger mafên ku ji her girtiyekî re tê dayin, li ser Rêber Apo qedexe kirin, bi şerekî psokolojîk tecrîd li ser giran kirin. Hesab kirin ku bi vî awayî di şexsê Rêber Apo de bikaribin îrada gelê Kurd û gelên azadîxwaz teslîm bigrin.
Di van sê salên dawiyê de jî bi tecrîdeke mutleq ku mirov nikare jê re pênaseyekê deynê li ser Rêber Apo didine meşandin. Tirsa wan ew ku bi derketina Rêber Apo re, bi belavbûna ramanên wî re yekîtiya gelan çêbibe, krîza ku li Rojhilata Navîn her diçe mezin dibe, were çareserkirin. Ditirsin ku daxwaza Rêber Apo ya aşîtiyê pêk were.
‘XWE AVAKIRINA JINÊ YA BI RAMANÊN RÊBER APO, KOMPLO BÊ WATE KIRIYE’
Bi fikrên Rêber Apo niha şoreş çêdibin û pêşengê vê şoreşê jin in. Raste niha Rêbertiya me di tecrîdeke pir giran deye. Lê di aliyê ruhî de em bi Rêbertî ve girêdayî ne û ti carî em qutnebûne. 24 saetan bi me re jiyan dike, di dilê me de lêdide. Jiyana ku em niha dijîn jî çavkaniya xwe Rêbertiya me ye. Ji bo ku azadiya fîzîkî ya Rêbertî pêk were û ji Îmraliyê derkeve, çi ji me bê xwestin em ê bikin. Ji bo me wext nemaye.
Hêzên komploger niha dîsa li gel dagirkeriya Tirk bi heman zihniyetê êrîşî jinê dikin. Êrîşî fikrê wê dikin, êrîşî serhildana ‘Jin, Jiyan, Azadî’ dikin û dixwazin bitepisînin.
Girêdana me wek jin bi Rêbertî ve, bi xwe avakirina me ve girêdayî ye. Em çiqas dibin ya xwe, xwebûna xwe bi dest dixin, em ewqas komployê vala derdixin. Li her qadê kar û çalakiyên curbecur ji bo azadiya Rêbertî têne lidar xistin. Jin têde pêşengtiyê dike. Bi saya fikrê Rêber Apo jin xwe ava dike û xwe pêş dixe. Hêzên ku ji van pêşketinan ditrisin, êrîş dikin. Em jî dibêjin; her çiqas ev êrîş zêde bibin û giran bibin jî, girêdanbûna me bi Rêbertî re jî ewqas zêde dibe. Çiqasî em paradîgma Rêbertî belav bikin, bidin jiyîn, em ê ewqasî girêdana xwe nîşan bidin. Em bi sekn û hevrêtiya hevrê Sara, Zîlan, Viyan û Bêrîtan a bi Rêber Apo re esas digirin û li ser wê esasê têkoşîna xwe dikin.
‘RIHÊ KU RÊBER APO DAYE AVAKIRIN HÊZA XWE JI ATOMÊ MEZINTIR E’
Têkoşîna Rêber Apo li dijî zilm û koledariya ku desthilatdarî li ser pergala xwe avakiriye. Li dijî qirkirina civakan, jin û xwezayê ye. Rêbertî bi têkoşîna xwe tola civaka Kurd a ku bi sedan sal in di bin hêrandina çerxa pergalê deye, radike. Hêzên komploger Rêber Apo baş nas nekiribûn. Rêber Apo hêza xwe ji mirovahiyê, ji dîrokê digre. Bersiv dayîna Rêber Apo û sekna wî hiştiye ku îro ev hêz şaş bimînin. Pêvajoya ku wan da destpêkirin, nema zanîn ku wê çawa ji nav derkevin. Ji ber Rêber Apo bi fikir û ramanê xwe wan vala derxist. Her ku Rêber Apo ew vala derxistin wan êrîşê xwe li ser gel, li ser jin û civakê zêdetir kirin. Tecrîda li ser Rêber Apo girantir kirin û difikirîn ku ew ê wisa Rêbertî bê deng bikin. Rêber Apo bi bîrdoziya xwe xwedî li civakan derket. Ji ber vê îro hemû civak jî ji bo azadiya Rêbertî dengê xwe bilind dike, radibe ser piyan. Bi bilindbûna dengê gel re komplo vala dibe. Îro hemû civak hebûna xwe di hebûna Rêbertî de dibîne. Rêber Apo ev 25 sal e bi sekneke mîsoger, li hember komployê disekine û li ber xwe dide. Niha li her derê kampaniya ji bo azadiy Rêbertî têne lidar xistin. Pirtûkê wî li her derê belav dibin û têne xwendin, di nava civakan de têne nîqaş kirin û heyecaneke mezin ava dike. Ev heyecan bi serê xwe komplo vala derdixe.
‘EM Ê LAYIQÎ BERXWEDANA RÊBER APO Û GELÊ XWE BIN’
Gerîlayên azadiya Kurdistan, weke hêzeke fedayî ya Rêber Apo têkoşîna xwe di asta lutkeyê de dijîn, di vê demê de. Bi komploya li ser Rêbertiya me re, dijmin nekarî gelê Kurd û tevgera azadiyê tune bike. Niha jî weke pêvajoyeke din bi êrîşê xwe dixwaze tevgera azadî û gelê Kurd tune bikin. Li hember van êrîşan gerîla bi rihê berxwedaniya Rêber Apo di nav hewildanê de ne. Gerîla bi têkoşîn û berxwedana xwe wê komployê vala derxe. Têkoşîneke piralî ji aliyê hemû gel û civakan ve tê meşandin. Rola herî mezin di vê têkoşînê de jî hêzên gerîla dilîzin. Bêyî ku zehmetiya mercên demsalan li ber çavan bigre, bi rihekî êrîşê yê mezin û baweriyeke mezin bi ser dagirkeriyê de diçe. Asta biryardariya xwe di vala der xistina komplo de nîşan dide. Gerîla fedayitiya xwe ji şehîdên xwe, ji îdeolojî û baweriya xwe digre.
Niha jî dewleta Tirk di qadên gerîla de ketiye xefkê. Em dibînin li qadên Parastinê yên Medyayê û bi taybetî di van pêngavên dawî de gerîla çawa bi ser dijmin ve diçe. Ev çalakgeriya gerîla bersiv dayina komployê ye. Di hemû milan de gerîla rola xwe di têk birina Komplo dilîze û wê têk jî bibe. Bîr û baweriya ku em ji Rêbertî digrin, em dixwazin bi encam bikin. Di van sê salên dawî de bi taybetî, hêzên NATO’yê yên dixwazin li ser fikra Rêbertî zextekê çêbikin bi hemû teknîka xwe ya serdemê bi ser gerîla de tên. Lê di van pêngavên dawiyê yên pêk hatine de jî, eşkere bû ku gerîla vê dagikeriyê di çi astê de pêşwazî dike. Êdî tehmûla me li hember tecrîdê û komploya li ser Rêbertî nemaye. Ji bo wê em her di nava amadekariyekî fikrî û leşkerî de ne. Pêngavên şoreşgerî jî nîşandan ku em ê di çi astê de şer û têkoşîna xwe di sala nû de bidin meşandin. Wê hedefa me ya şikandina komplo, di çi astê de be, da nîşan.
’ARMANCA ME SERKETIN E’
Tecrîda li ser Rêber Apo di heman demê de li ser gel û jinê ye. Rêber Apo ji bo rizgariya jin, xebat û kedek mezin meşand. Kedeka xwe ya mezin li ser me weke jin û weke hêzên YJA Starê heye. Bi hezaran pêşeng, fermandar û şervan ava kirin. Em ê çawa pêşbikevin ji aliyê baweriyê ve, hêz û moralê ve? Têkoşîna me wê di çi astê de be? Di van mijaran de Rêberetî bi ramanên xwe ji bo me zayînek nû, rêyek nû ava kir û em li ser vê rêyê têdikoşin. Em jî niha dixwazin baweriya ku Rêber Apo daye me, em bînin cih, têkoşîneke mezin raber bikin û komplo vala derbixin.
Dijmin teknîka xwe ji bo xwe weke hêz dibîne û bi wê hêzê bi me re şer dike, em jî bi îrada xwe, bi fikrê ku Rêbertî di kesayetê me de ava kiriye, vê teknîkê vala derdixin û şer dikin. YJA Star bi pêşengtiya xwe û çalakiyê xwe qedera pir tiştan diguherîne. Ev rihê fedayî û çalakgeriya YJA Star dibe darbeyek li hember komployê. Em her tim li pey serkeftinê ne, serkeftina me jî girêdayî azadiya Rêber Apo ye. Rêber Apo ji aliyê fikir de ji xwe azad e. Bi têkoşîneke mezin, em dixwazin azadiya Rêbertî ya fîzîkî jî bi dest bixin. Dijmin ne bi teknîka xwe ya pêşketî, ne bi ava ku berdide tunelan û ne jî bi şêwazên xwe yên hovane di êrîşan de, wê nikaribe tiştekî di hedefa me ya serkeftinê de biguherîne.
Pêngavên dawiyê têkçûna dijmin nîşan da. Dengê tilîliyên YJA Star xof xistiye dilê dijmin. Mîsoger em ê kêlî bi kêlî hesabê van 25 salê dîlgirtina girtina Rêber Apo ji dagirkeriyê bixwazin û em ê heya dawî li pey van îdîa û sozên xwe ne.”
