Fermandariya Giştî ya Hêzên Ewlekariya Hundirîn a Herêma Bakur û Rojhilatê Sûriyeyê der barê şehadeta endamekî xwe de daxuyaniyeke nivîskî weşand.
Di daxuyaniyê de hate gotin: “Bi serbilindî û rûmet em şehadeta yek ji lehengên hêzên me Fadî Elî radigihînin ku li hember êrişên dijminane yên li ser herêma Bendava Tişrînê gihaşt asta şehadetê. Şehîd Fadî mînaka fedakarî û wefayê bû. Di parastina xaka xwe û rûmeta gelê xwe de canê xwe feda kir.”
Di dewama daxuyaniyê de hate got, “Șehîd Fadî nîșana lehengiyê bû, berpirsyariya parastina nirxên azadiyê heta kêliya dawîn hilgirtibû. Em weke Hêzên Ewlekariya Hundirîn a Bakur û Rojhilatê Sûriyeyê, bejna xwe li ber şehîd û gelê xwe bi rêzdarî ditewînin. Em heta serketinê li ser şopa şehîdên xwe dimeşin.”
NASNAMEYA ŞEHÎD
Nav û Paşnav: Fadî Elî
Navê Dayikê: Şêrîn
Navê Bav: Kemal
Cih û Dîroka Jidayikbûnê: Efrîn, 2001
Cih û Dîroka Tevlêbûnê: Efrîn, 13.08.2018
Cih û Dîroka Şehadetê: Bendava Tişrînê, 29.03.2025.
