Li gel malbata Geylanî, Hevserokên Giştî yên DEM Partiyê Tulay Hatîmogûllari û Tûncer Bakirhan, endama Heyeta Îmraliyê Pervîn Bûldan û gelek kes tevlî çalakiya bîranînê bûn.
Pervîn Bûldan li bîranînê axivî û anî ziman ku Geylanî di siyasetê de kesayetekî bi bandor bû û wê xwedî li mîrateya wî ya têkoşînê derkevin.
Hevserokê Giştî yê DEM Partiyê Tûncer Bakirhan jî ji bo Geylanî got, “Di nava gel de li her qada berxwedanê mirovekî gel bû.”
Rojnamevan Huseyîn Akyol jî peyamek şand û destnîşan kir ku Geynalî ji bo çareseriya demokratîk a pirsgirêka Kurd li zemîna siyaseta legal têkoşiya. Aykol got, “Hamît Geynalî parêzerê gelên me ye (…) Dost û hevrêyên me hemûyan e.”
Keça Geylanî Yekbûn Geylanî jî qala têkoşeriya bavê xwe kir û got, “Xwe ji ti wezîfe û berpirsyariyê neda alî. Dem hat, navê wî ket lîsteyên înfazê. Dem hat gef lê hate xwarin, lê belê ti carî ji rê û têkoşîna xwe venegeriya.”
Merasîma bîranînê bi nîşandana sînevîzyona li ser dîmenê ji jiyana Hamît Geylanî bi dawî bû.
