Tevgera Şoreşger a Yekbûyî ya Gelan (HBDH), têkildarî 110’emîn salvegera Qirkirina Ermeniyan daxuyaniyek da.
HBDH’ê, kesên di 110’emîn salvegera Qirkirina Ermeniyan de jiyana xwe ji dest dane bibîr anî û ev komkujî weke berhema pergala emperyalîst-kapîtalîst nirxand. HBDH’ê, destnîşan kir ku ev qirkirin ji aliyê burjuwaziya Tirk ve bi piştgiriya Elmanyayê ji bo desteserkirina mal û dewlemendiyên gelên wek Ermenî, Suryanî, Asûrî, Keldanî û Romî hatiye plankirin.
HBDH’ê, diyar kir ku Qirkirina Ermeniyan ne tenê tinekirina gelan e, di heman demê de destpêka sîstemeke ku bi desteserkirina serwetên wan hatiye avakirin e.
HBDH’ê, destnîşan kir ku bingeha vê sîstemê bi polîtîkayên neteweperestî û olperestî yên serdema Îttîhatî hatiye danîn û got ku îro jî ev êrîş bi zext û asîmîlasyona li ser gelê Kurd û Elewî didome.
HBDH’ê, da xuyakirin ku polîtîkayên dagirkerî û şîdetê yên desthilatdariya AKP-MHP’ê yên li Artsaq, Sûriye û Xezeyê nîşaneya niha ya vê zîhniyetê ye. HBDH’ê, destnîşan kir ku ev pergal wê bi têkoşîna hevpar a gelan têk biçe.
HBDH’ê, di salvegera Komkujiya Ermeniyan de ne tenê êş û azar bibîr anî, her wiha kevneşopiya berxwedanê ya gelê Ermenî jî silav kir û destnîşankirin ku ev berxwedan parçeyek ji têkoşîna azadiyê ya îro ji Filîstînê heta Rojava didome.
HBDH’ê, anî ziman ku dewleta Tirk bi înkarê hewl dide komkujiyên berê û yên niha veşêre û bal kişand ser girîngiya xwedîderketina berxwedana yekbûyî û bîranîna kolektif a gelên bindest.
HBDH’ê, destnîşan kir ku dîrok nîşan dide ku gelên bê rêxistin bindest in û got ku ji ber vê yekê divê hemû gelên bindest li dijî faşîzm, emperyalîzm û baviksalariyê têkoşîneke hevpar bimeşînin.
