Kongreya Demokratîk a Gelan (HDK) derbarê Kongreya 12’emîn a PKK’ê daxuyaniyekî nivîskî da. Di daxuyaniyê de hate destnîşankirin ku aştî wê bi têkoşîna civakî ya demokratîk û îradeya azadiyê ya gelan û bindestan pêk were.
Di daxuyaniyê de hate destnîşankirin ku bi lidarxistina kongreya PKK’ê re di pirsgirêka Kurd de qonaxekî krîtîk hatiye derbaskirin û wiha got: “Di van rojan de ku geşedanên dîrokî diqewimin, erk û berpirsyariyên girîng dikeve ser milê her kesî. Ji her demê bêhtir ji bo çareseriya aştiyane û civakî ya pirsgirêka Kurd şert û merc hatine çêkirin. Em pirsgirêka Kurd wekî pirsgirêkekî pergalê dibînin û wekî yek jî sernavên nebe nabe ya hewldanên veguhertina demokratîk dinirxînin.
Roj ne ew roj e ku bi fikarên xwe bimînin, roj hatiye ku hewldanên aştiyê wekî parçeyek ji têkoşîna demokrasiyê ya Tirkiyeyê bibînin, înîsiyatîfa demokratîk pêş bixin û helwesta demokratîk bigrin. Werin em ji bo aştiyekî adil, demokratîk û civakî civaka demokratîk ava bikin; ji bo civaka demokratîk di seferberiya rêxistinbûna demokratîk de bicivin.”
