Li Endonezyayê, ku herî zêde bandor lê çêbûye, hejmara miriyan gihîşte 442 kesan û 402 kes jî winda ne. Hin bajarên li Girava Sumatrayê hîn jî ji bo çûnûhatinê girtî ne. Ji bo ku alîkarî bigihîje herêmê, du keştiyên şer ji Cakarta hatin şandin.
Li Taylandê, di yek ji karesatên lehiyê yên herî xirab ên deh salên dawî de, herî kêm 162 kes mirin. Bi deh hezaran kes bêmal man û hikûmet ji bo piştgirîkirina qurbaniyan xebatan dimeşîne. Ji ber têrênekirina bersivdayînê, du rayedarên herêmî ji erkên xwe hatin dûrxistin.
Li Malezyayê, lehiyên li bajarê Perlis bûne sedema mirina du kesan.
Li Srî Lankayê jî, baranên hefteyekê yên ku ji ber Bahoza Ditwah çêbûn, di encamê de 212 kes mirin û 218 kes winda bûn. Li welêt rewşa awarte hate ragihandin; nêzî 833 hezar kes ji cih û warên xwe bûn. Ji sê yekê gel bê elektrîk û bê av e.
Pispor diyar dikin ku berbelavbûn û tundiya lehiyan ji ber guherîna avhewayê zêde bûye.
