Di 1’ê Tebaxê de, şivanekî li Geliyê Supatê yê herêma Kohistan a Pakistanê cenazeyê kesek dît. Şivanê bi navê Omar Khan ji BBC’yê re axivî û wiha got, “Rewşek mirov bawer nake. Termê wî tiştek pê nehatibû, cilên wî jî neqetiyabû.” Cenaze aîdê kesek bi navê Naseeruddin e ku di sala 1997’an de winda bibû.
Pispor diyar dikin ku ji ber kêmbûna oksîjen û şilbûnê term dibe qeşa û bi awayekî xwezayî bo demek dirêj vediguhere mûmyabûnê.
Ev diyarde wekî nîşaneyek ji bo helandina bilez a qeşayê ji ber guherîna avhewayê tê şîrovekirin. Lêkolîn, destnîşan dikin ku heke emîsyonên heyî berdewam bikin, du ji sêyan ji qeşayên Hîmalaya dikarin heta dawiya sedsalê bihelin.
