Medyaya Iraqê ragihand ku şandeyeke Dîwana Çavdêriya Darayî ya Iraqê ji bo çavdêrîkirina daneyên aborî yên Herêma Kurdistanê di çarçvoveya yasaya budceyê de, gihişte Herêma Kurdistanê.
Hate diyarkirin ku biryar e şande lêkolîn û çavdêriya lîsteya dahat û xerca taybet ya çaryeka duyem ya îsal a Herêmê bike.
Her wiha hate ragihandin ku piştî temambûna karê şandeyê, wê raporeke hevbeş pêşkêşî her du hikûmetên demkî yên Iraq û hikûmeta Herêma Kurdistanê bê kirin ku wê bandorê li têkiliyên aborî yên di navbera herdu aliyan de bike.
Hêjayî gotinê ye ku heta niha çarenûsa mûçeyê meha 12’an a sala borî her wiha mûçeyê sê mehên îsal yê karmendên Herêma Kurdistanê nediyar e.
