Biryara îstîfaya hikûmetê, di dema gotûbêjikirina pêşnûmaya pirsvareya muxalefetê ya li parlamentoyê hate ragihandin.
Beriya biryarê jî şeva Çarşemê li paytext Sofyayê û bajarên din deh hezaran kes daketin kolanan û gendeliya belav bûye saziyên dewletê protesto kirin.
Bi taybetî beşdarbûna ciwanan a çalakiyan bal kişand. Pêla protestoyan di meha Mijdarê de li ser daxwaza derbasbûna pêvajoya bi lez a budeceya sala 2026’an ku hikûmetê weke euroyê amade kiribû, dest pê kiribû. Muxalefet û xwepêşander diyar dikin ku zêdebûnên di bac û prîmên budceyê de ji bo veşartina gendeliyan hatine kirin.
Hikûmeta koalîsyonê ya lawaz a di meha Çileyê de hate avakirin û ji çar partiyan pêk tê, li ser zexta civakê pêşiyê teklîfa xwe ya budceyê vekişand û piştre jî budceyeke hatî nûkirin pêşkêşî parlamentoyê kir lê belê nekarî pêşiyêli bertekan bigire. Li gorî anketên dawîn zêdetirî ji sedî 70’ê civakê piştevaniyê dide protestoyan.
Bulgaristan, xwe amade dikir ku di 1’ê Çileyê de derbasî euroyê bibe û fikarên têkildarî zêdebûna buhayan jî rê li ber çêbûna nearamiyê vekir. Pispor diyar dikin ku krîza hikûmetê wê bi awayekî rasterast bandorê li guherîna yekeya pereyê neke lê belê wê kêmasiya herî biçûk jî veguhere nîqaşeke siyasî.
Li gorî qanûna bingehîn îstîfaya hikûmetê wê li parlamentoyê were qebûlkirin. Piştre Serokkomar wê erka avakirina hikûmeta nû ya ji parlamentoyê bide. Lê belê ji ber şensê lihevkirina di navbera partiyan de kêm e tê payîn ku di nava dy mehan de hilbijartinên pêşwext werin kirin. Plana Serokkomar Rumen Radev a têkildarî partiyeke nû jî weke ihtîmaleke muhtemel a bandorê li encamên hilbijartinan bike, tê nirxandin.
ÇAPEMENIYA NAVNETEWEYÎ: YEKEM SERKEFTINA NIFŞÊ Z’YÊ YA LI EWROPAYÊ!
Çapemeniya Ewropayê, ketina hikûmeta Bulgaristanê weke yekem serkeftina nifşê Z’yê ya li Ewropayê dinirxîne.
The Wall Street Journalê got: ‘’Xwepêşanderên nifşê Z’yê yên bi hêrs, îsal bûn sedem ku hikûmet bikevin û li seranserê cîhanê zext li gelek serokan kir, li Ewropayê yekem serkeftina xwe bi dest xistin.’’
Rojnameya Spanî ya bi navê El Pais jî got: ‘’Protestoyên ku di hefteyên dawîn de ji aliyê nifşê Z’yê ve tên kirin, heya ketina hikûmetê dewam kirin.’’
Rojnameya Emerîkî Christian Science Monitorê ev yek anîn ziman: ‘’Protesto ‘bes ne înkar û hêrs in’ têkildarî neewlebûna welêt, çareseriyên demkî û xwejêrizgarkirina bêhêvîbûnê hêvî ne.’’
