Di çarçoveya amadekariyên ji bo zêdebûna şerê li Xezeyê de, hikûmet wê heya 30’ê Mijdara 2025’an seferberkirina 430.000 leşkerên cîhgir a ji aliyê Wezîrê Parastinê ve erê bike.
Şêwirmendê hiqûqê yê hikûmetê Gali Baharav-Miara diyar kir ku ev biryar bûyerên “cidî, zehmetiyên civakî û hiqûqî” bi xwe re tîne û destnîşan kir ku barê leşkeran nêzî salek û nîve her diçe zêdetir dibe. Anî ziman ku lê eger şert û mercên ewlekariyê berçav tên girtin, xuya dibe ku ti bijartek din nîne.
DAXWAZA FESIXKIRINA RÊVEBERIYA FÎLÎSTÎNÊ!
Wezîrê Ewlekariyê yê Neteweyî yê Îsraîlê Itamar Ben Gvir li dijî planên Serokê Rêveberiya Fîlîstînê Mahmud Abbas a li Desteya Giştî ya NY’ê îlankirina Dewleta Fîlîstînê ya yekalî, di civîna kabîneyê de xwest ku Rêveberiya Fîlîstînê demildest were fesixkirin. Ben Gvir ev yek weke “bi dawîkirina otorîteya terorê” pênase kir.
JI ARTÊŞA ÎSRAÎLÊ TATBÎQATEK MEZIN
Artêşa Îsraîlê ji bo ceribandina amadekariyên li dijî bûyereke ji nişka ve û berfireh, tatbîqatek suprîz a ku gelek senaroyên herêmê di nava xwe de digire da destpêkirin. Tatbîqat bi lîdertiya Generalê Giştî yê teqawidbûyî Ofer Shrira ji aliyê yekîneyeke hem ji leşkerên aktîf hem jî ji leşkerên cîhgir pêk tê ve tê kontrolkirin.
