Daxuyaniya Navenda Ragihandin û Çapemeniyê ya HPG’ê bi vî rengî ye:
“Hêzên me gotin bi gotin li gorî biryara agirbestê ya partiya me PKK’ê tevdigerin, ku piştî banga dîrokî ya Rêber Apo hate ragihandin. Lê belê li gel vê yekê jî hêzên artêşa Tirk liv û tevgera keşfê ya li ser qadên me zêde kir, êrîşên hewayî û topbaran dewam kir. Her karekî keşfê êrîşeke. Ji ber ku karekî ji bo amadekariya êrîşê ye. Ji roja ku agirbest hate ragihandin û vir ve hêzên artêşa Tirk 8 caran bi çekên qedexekirî, 93 caran bi êrîşên hewayî, 5052 caran bi çekên giran, top û obusan êrîş li Herêmên Parastinê yên Medyayê kir.
Li hemberî vê yekê jî yekîneyeke me ya ser bi Hêzên me yên Parastina Hewayî yên Şehîd Delal 16’ê Adara 2025’an saet di 19:20’î de SÎHA’yeke Akinci ya ku li ser ezmanê Qendîlê gelekî bilind difiriya û ji dewleta Tirk heye ku nikare bê xistin, anî xwarê. Eger ev êrîş dewam bikin, mafê me heye ku bi armanca parastinê balafirên keşfê yên bi vî rengî bînin xwarê û ev wezîfe wê bê pêkanîn.”
