Hunera Mizgîn a ku li Ewropayê xebatê dimeşîne, bi wesîleya 20’emîn salvegera wefata hunermenda nemir Merziye Rezazî daxuyaniyeke nivîskî weşand.
Hunera Mizgîn, diyar kir ku Merziye Rezazî jiyana xwe fedayê şoreşa jinan, têkoşîna rizgariya Kurdistan û hunerê kiriye û ev tişt hate gotin:
“Em ji jiyana hunermenda nemir têr û tije mînakan digirin. Merziye Rezazî bû mamosteya zarokan. Li dijî asîmîlasyonê zarokên Kurd bi çanda Kurdewar perwerde kir. Bi stranên xwe bu dengê şoreşê. Dema ku hat xwestin, ew bu şoreşger û derket serê çiyayên Kurdistanê. Dema hat bu aktîvîsta mafê jinan. Gund, bajar, çiya, newal, şikeft yan jî bajar û kolanên Ewropayê… Ferq nake. Ew li her qadê bu têkoşer û bi doz û xeyalên xwe re meşiya.
Xeyalan Merziye Rezazî vala neçûn. Îro çi li Rojava be, çi li Rojhilat, Şengal û Herêmên Parastina Medyayê be jinên şoreşger ala têkoşîna azadiya jinê bilind dikin. Dîsa li zindanên Îran û Tirkiye li dijî dagirkerî û zilmê jin li ber xwe didin. Li her çar aliyê welat jinên Kurd pêşengtiya hunerê jî dikin.
Belê, ev bu 20 sal e ku me têkoşera mafê jinan, rêwî kiriye. Em hunermenda nemir Merziye Rezazî bi rêzdarî bibîr tînin û dibêjin em li ser şopa te dimeşin û em ê bimeşin.”
