Bernameya pîrozbahiya Newrozê ya Amedê ku wê bi dirûşmên “Newroza azadî û yekitiya demokratîk” û “Newroza azadî û demokrasiyê” were lidarxistin, diyar bû.
Hat ragihandin ku ji bo Newrozê nêzî 400 nûnerên weşana çapemeniyê ya neteweyî û navneteweyî, akredîte bûne.
Bernameya Newroza Amedê wiha ye:
* Li gel partiyên siyasî, rêxistinên mafên mirovan, saziyên civaka sivîl, sendîka, rêxistinên ked-pîşeyê, saziyên Elewiyan û rêxistinên jinan; ji welatên mîna Fransa, Elmanya, Swêd, Katalonya, Misir, Hindistanê jî mêhvan û ji Rêveberiya Herêmî ya Kurdistanê û partiyan rayedarên payebilind wê beşdar bibin
* Di beşa protokolê de, ji salên berê cuda wê tenê kesên vexwendî û mêhvanên ji bajarên din û dervey welêt beşdar bibin. Tê payîn ku ji bajarên herêmê û rojava gelek kes jî ji bo Newrozê bên Amedê.
* Komîteya Amadekar a Newrozê ji bo ewlehiyê 600 kes wezîfedar kiriye.
* Tevlîbûna şahiyê wê siharê saet 10.00’an destpê bike. Hevserokê Giştî Tuncer Bakirhan, Serokê Giştî yê Partiya Azadî Ayetullah Aştî, Aktîvîsta TJA’yê Ayla Akat Ata, Çetîn Arkaş û Leyla Zana baxivin. Wê peyamên girtiyên siyasî, Serokê Yekîtiya Nîştimanî Kurdistan (YNK) Bafil Talabanî û Serokê Herêma Kurdistana Federe Nêçîrvan Barzanî bên xwendin. Her wiha tê payîn ku peyama Abdullah Ocalan jî bi Kurdî û Tirkî were xwendin.
* Li aliyê din, Endamê Şandeya Îmraliyê ya DEM Partiyê Sirri Sureyya Onder jî wê bi sînevîzyoneke kurt were bîranîn.
* Di şahiya li Amedê de wê Dîlan Top û Erkan Top, Alend Hazim, Agirê Jiyan û Zinar Sozdar derkevin ser dikê.
