Îbrahîm Ateş ê ku di Girtîgeha Tîpa T a Meletiyê de, tehliye bû. Ateş ku li Amedê hat binçavkirin û di sala 1995’an de Dadgeha Ewlehiyê ya Dewletê (DGM) bi îdiaya “xerakirina yekîtî û yekpareyiya dewletê” cezayê muebedê lê hat birin, bi dorê li Semsûr, Balikesîr, Kayserî û Meletiyê di girtîgehê ma. Ateş, piştî 30 salan ji Girtîgeha Tîpa T a Meletiyê derket.
Ateş, li ber girtîgehê ji aliyê malbata xwe û xizmên xwe ve bi kêfxweşiyeke mezin hat pêşwazîkirin. Her wiha TÛAY-DER, MEBYA-DER û rêveberiya DEM Partî ya Bajêr jî Ateş pêşwazî kirin.
Ataş li vir axaftinek kurt kir û got: “Her çiqas em bi fizîkî derketibin jî, ez vê yekê wekî azadî qebûl nakim. Ji ber ku piraniya hevalên me li hundir in. Lê belê rengê jiyana me ev e. Çi li hundir çi li derve bin, em ji gelê xwe û dostên xwe re xizmetê dikin.”
Ataş di dawiya axaftina xwe de spasiya kesên ku ew pêşwazîkirine kir.
