ICRC’yê got, “Agahî nestendina ji hezkiriyên xwe ji bo mirovan êşeke giran e. Bi deh hezaran malbat bi vê rastiya trajîk re rû bi rû ne. Mafê wan heye ku zanibin ka çi hatiye serê hezkiriyên wan û heke pêkan be divê ji wan agahî bistînin.”
Di daxuyaniyê de got. “Di du salên borî de, ICRC bêtirî 115,000 daxwazên şopandinê ji malbatên li Ûkrayna û Rûsyayê bi têlefonê, bi platformên xwe yên serhêl, bi postê an di dema hevdîtinên rûbirû de wergirtine.”
ICRC’ê diyar kir ku dixwazin çarenûsa 23 hezar windayan “ronî bikin” û wiha got: “Ji 31’ê Çileya 2024’an vir ve ICRC bi alîkariya Xaça Sor û Heyva Sor a Neteweyî ya li Ûkrayna, Rûsya û welatên din, alîkariya 8 hezar malbatan kiriye ku der barê çarenûs û cihê hezkiriyên xwe de agahiyan werbigirin.”
Di daxuyaniya ku tê de îfadeyên malbatên ku ji hezkiriyên xwe agahî girtine de dayikek wiha dibêje: “Ez gelek kêfxweş im ku hîn bûm kurê min sax e. Nêzîkî 2 meh bû ku min agahî ji wî nedigirt, mîna ku ez mirîbûm.”
Ofîsa RCA ya ku ji bo pevçûna di navbera Rûsya û Ukrayna de hatî damezrandin yekem ofîsa ICRC bû ku bi taybetî ji bo pevçûnek navneteweyî di nav 30 salan de hate damezrandin. Ev mîsyon wekî mîsyona herî mezin a ku ji Şerê Cîhanê yê Duyemîn ve hatî damezrandin tê hesibandin.
ICRC diyar kir ku Ofîsa Ajansa Çavdêriya Navendî ku wekî navbeynkarek bêalî di navbera Rûsya û Ûkraynayê de tevdigere, van agahiyan berhev dike û tomar dike. Piştre dişîne kampa têkildar.
ICRC peyitand kir ku aliyên di şerekî navdewletî de “pêwîst e bi mirovên di bin kontrola xwe de muameleyeke mirovî bikin û kesên mirî bi rûmet bêne veşartin.”
