Rêveberiya Dewletên Yekbûyî yên Emerîkayê (DYE) roja Yekşemê ragihand ku muafiyeta ji sala 2018’an û vir ve ji Bexdayê re hatiye dayîn, nû nekiriye.
Di daxuyaniya Wezareta Karên Derve de hat gotin, “Armanc ew e ku nehêlin Îran ji ti alîkariyeke aborî yan jî malî sûdê werbigire.”
Serokê DYE’yê Donald Trump bi îdîaya ku wê bernameyên nukleerî û çekan têxe bin kontrola xwe, daxwaza muzakereyên bi Tehranê re kir.
Lê belê Trump ji bo ku Îran di warê aborî de lawaz bibe û di qada navneteweyî de bi tenê bimîne, di serdema xwe ya yekem (2017-2021) de dest bi polîtîkaya “zexta herî giran” jî kir.
Mîsyona Neteweyên Yekbûyî ya Îranê roja Yekşemê diyar kir ku Îran dikare muzakereyên bi DYE’yê re yên li ser bernameya nukleerî ‘binirxîne’, lê belê divê ev muzakere ne ji bo bi temamî rawestandina bernameya nukleerî be.
Daxuyanîya Wezîrê Derve yê Îranê Seyîd Abbas Arakçî ya roja Duşemê xuya bû ku vê îdîayê red dike.
Arakçî got, “Bernameya enerjiya nukleerî ya Îranê her tim hebû û wê bi temamî aştiyane bimîne. Ji ber vê yekê mijarek ku vê bernameyê ‘veguherîne potansiyelek leşkerî’ nîne. Em ê di bin zext û gefan de muzakereyê nekin.”
Roja Şemiyê serokê olî yê Îranê Alî Hamaney polîtîkayên ‘gefê’ şermezar kiribû û Donald Trump jî gefa destwerdana leşkerî xwaribû.
