Sefîrê Bilind ê Viyanayê yê ji Îranê Riza Necefî ragihand ku wan di encama gef û zexta zêde ya Dewletên Yekbûyî yên Emerîkayê (DYE) de ev pêşnûmeqanûn paşve kişand. Necefî yê ji AFP’ê re axivî, diyar kir ku endamên UAEA’yê ji nûnerên Îranî re gotine, “ji bo ew piştgiriyê nedin biryarê ji DYE’yê zextek zêde dîtine”.
Çîn, Rûsya, Belarûs, Nikaragua, Venezuela û Zimbabve piştgirî dida vê pêşnûmeqanûna navborî.
Di naveroka pêşnûmeqanûnê de êrîşên Îsraîl û DYE’yê yên li ser tesîsên nukleer ên Îranê weke “binpêkirina eşkere ya hiqûqa navneteweyî” tê şermezarkirin û bang li hemû dewletan tê kirin ku êrîşî tesîsên nukleer ên aştiyane yên welatên din nekin.
Piştî êrîşên Îsraîlê yên di meha Hezîranê de, Îranê hevkariya xwe ya bi UAEA re taloq kir û tevî ku 9’ê Îlonê li Qahîreyê peymaneke nû ya kontrolê hate eşkerekirin, pêşketinek şênber pêk nehat.
Li aliyê din wezîrên karên derve yên Elmanya, Fransa û Îngilistanê ji hempîşeyên xwe yên Îranî re ragihandin ku ew têkildarî bernameya nukleer li benda “gavên şênber in”. Yan di rewşek berevajî de, dibe di nava 10 rojan de car din pêkanînên li ser Îranê bikevin dewrê.
