Tûxamîral Alireza Tangsirî di merasîma danasînê de axivî û diyar kir ku keştiya tîcarî ya kevin a bi navê Şehît Bahman Bahgerî” di du sal ê nîvên dawî de veguherandine keştiyeke dronan.
Keştiya dronan ku Tangsirî wekî “mezintirîn projeya deryayî-leşkerî” ya Komara Îslamî pênase dike, dikare mûşekên dûrbîn biavêje û teyareyan hilgire.
BÊ SEKIN DIKARE DI BEHRÊ DE SALEKÊ BIXEBITE
Tûxamîral anî ziman ku keştî ji bo herba elektronîk jî hatiye sêwirandin û bêyî ku raweste, dikare bi qasî salekê di nav behrê de bixebite. Li gor ajansa fermî ya nûçeyan a Îranê Irnayê, keştî dikare 60 balafirên mirov hilgire.
Serokê Mihafizan General Huseyîn Selamî di merasîma vekirinê de diyar kir ku Îran hewla çavtirsandina kesî nade û got “Em ê bi hikêmetên ku me ew nas kirine nekevin nav tu şerî.”
Generalê Hêzên Çekdar ên Îranê General Mihemed Bagerî jî beşdarî merasîmê bû û keştî wek “baregeke gerok a ku dikare li ser hemû avên cîhanê bi awayekî serbixee bixebite” pênase kir.
TETBÎQATÊN LEŞKERÎ YÊN ZÊDEBÛYÎ Û XWENÎŞANDAN
Piştî ku Serokê DYE’yê Donald Trump di 20’ê Çileyê de vegeriya Qesra Spî, Tehranê tetbîqatên leşkerî û danasîna techîzat û baregehên binerdî yên bihêz zêde kirine û hêza xwe nîşan dide. Îranê roja yekşemê danasîna mûşekeke nû kir ku tê îdîakirin xwedî menzîleke 1700 kîlometreyî ye. Îranê berî rojekê jî mûşekeke çavdêriyê ya antî-parazît û xwedî menzîleke 1000 kîloçetreyî dabû nasîn.
Tehran di heman demê de da ku di mijara bernameya nukleerê de lu ev bi dehan salan e bûye sedema rageşiyê muzakere bike, di serî de DYE, serdana welatên rojavayî dike û peyaman dide wan.
