Piştî banga dîrokî ya Rêber Apo ku 27’ê Sibatê kir, komek ji gerîlayên PKK’ê xwe amade dike ku li Başûrê Kurdistanê daxuyaniyekê bide çapemeniyê.
Li gorî agahiyan, DEM Partî wê komek ji 15-20 kesan a ji aktîvîstên mafên mirovan, partiyên siyasî, nûnerên rêxistinên civakî yên sivîl û rojnamevanan bibe merasîma hêzên gerîla.
Hate ragihandin ku rojnamevanên dixwazin merasîmê bişopînin wê karibin akredîtasyonê bikin û bi derfetên xwe karibin xwe bigihînin qadê.
Piştî daxuyaniya DEM Partiyê, hate ragihandin ku ji gelek saziyên çapemeniyê yên xwechî, neteweyî û navneteweyî akredîtasyon hatiye kirin.
Li gorî agahiyên ji rayedarên DEM PartiYê hatin wergirtin, hejmara rojnamevanên ku heta niha akredîtasyon kirine nêzî 100 kes e.
