Li gelek deverên bajar û gundewarên Siwêdayê şer dewam dike. Hikumeta veguhêz bi daxuyaniyekê banga demildest a agirbestê kir.
Di daxuyaniyê de hatiye gotin: “Ji ber mercên ku welet tê re derbas dibe, ji bo rawestandina herîka xwîna sûriyeyiyan, parastina yekitiya xaka Sûriyeyê û aştiya wê ya navxweyî em vê daxuyaniyê didin. Em bang li hemû aliyan bêyî cudabûn dikin ku şer rawestînin û bêyî astengî gihandina alîkariyên mirovî garantî bikin.”
Serokatiya Ruhanî ya Taîfeya Miwehidîn a Durzî jî bi daxuyaniyekê ragihand ku ji bo agirbestê û aramkirina rewşê ew amade ye û hate gotin: “Em destê xwe didin her mirovekî pak ku dawî li şerê heyî were û agirbest pêk were. Em dengê aqil û mirovahiyê bi kar bînin. Na ji çek û aloziyê re.”
Serokatiyê her wiha diyar kir ku wan tu carî cudabûn an fitne nexwestiye û got, “Cebel El Ereb berê û niha jî stargeha bindestan e.”
