Pêşhilbijartinên Partiya Wekhevî û Demokrasiyê ya Gelan (DEM Partî) li 10 bajaran ji bo diyarkirina namzedên hevşaredarên bajar û navçeyan û endamên meclîsê bi dawî bû, jimartina dengan destpê kir. Di hilbijartinên herêmî yên 31’ê Adarê de li 90 navendan ji bo diyarkirina namzetên hevşaredaran, namzetên meclîsên bajaran û endamên meclîsa şaredariyan sindoq hatin danîn.
ŞIRNEX
445 delegeyan di 3 sindoqên ku li salona konferansê ya avahiya
DEM Partî ya Şirnexê hatine danîn de dengê xwe dan.
Pêşhilbijartina ku ji aliyê gel ve rastî eleqeyeke mezin hat, heta saet 16:00’an dewam kir. Beriya jimartina dengan dest pê bike parlamentera DEM Partiyê ya Dêrsimê Ayten Kordu axaftinek kir û got, “Em dizanin ku gelê me bi partiya xwe bawer e. Me bi vê baweriyê ev pêşhilbijartin çêkir. Em hewl didin bi hemû hêza xwe bibin layiqê vê baweriyê.”
Bi destpêkirina hilbijartinê re welatiyan kaxez û pênûs hildan û yek bi yek hejmartin nivîsandin û not girtin. Piştre sindoqên 100 1, 102 û 103 hatin vekirin û deng hatin jimartin. Di hilbijartinê de 3 namzetên mêr ketin ber hev. Di hilbijartina seretayî de Turan Saltan 331, Sabrî Soysal 76 û Osman Çavlak jî 38 deng stendin.
Ji bo Meclîsa Giştî ya Bajêr 6 jin û 10 zilam ketin pêşhilbijartinê. Endamê PM’ê yê DEM Partiyê Ahmet Îstek têkildarî daneyên hilbijartinê daxuyanî da û diyar kir ku wê encamên hilbijartinê ji navenda giştî re bên şandin û piştre jî encamên dawî ji aliyê navendê ve bên eşkerekirin.
MÊRSÎN
DEM Partî ji bo diyarkirina namzetên hevşaredarên Akdenîzê yên Mêrsînê li Salona Dawetê ya Şaxê “dengdana gel” li dar xist. Encama dengdana ku gelên Behra Spî bi taybet Meclîsa Dayikên Aştiyê bi awayekî berfireh tevlî bûn, hate eşkerekirin.
Di dengdayîna ku 737 delegeyan deng dan û 16 deng betal bûn de Mehmet Altuntaş 307, Hoşyar Sariyildiz 271, Mehmet Şîrîn Kaya 103 û Mehmet Alîş jî 34 deng standin. Ji namzetên jin Nuriye Arsalan 260, Zerîfe Genç 157, Fatma Demîr 126 û Hulusî Ayhan Keskîn 121 deng girtin. Pêşhilbijartin di tûra duyemîn de di navbera namzetên hevserokatiyê yên mêr Mehmet Altuntaş û Hoşyar Sariyildiz û namzetên jin Nuriye Arslan û Zerîfe Genç de derbas bibe.
Hat diyarkirin ku tûra duyemîn a hilbijartinê wê sibê saet di 10.00 de li Salona Dawetê ya Şah pêk were.
RIHA
DEM Partiyê ji bo diyarkirina namzetên hevşaredarên navçeya Wêranşar pêşhilbijartina pêk anî. Di pêşhilbijartina ku li Salona Konferansê ya Fethî Yildirim a li avahiya partiyê hat lidarxistin de 645 delegeyan di 6 sindoqan de deng dan. Ji ber ku tu berendamek ji sedî 50’ê dengên jin û mêr negirt, ji bo diyarkirina her du namzetan pêşhilbijartin ji tûra duyemîn re ma. Sibê Hidir Oktay û Fadil Mendanlîoglû û Ruken Baran û Dîlan Dogan ji bo namzetiyê wê di duyemîn de têbikoşin.
WAN
Di pêşhilbijartinên Şaredariya Bajarê Mezin a Wanê de 3 jê jin 12 namzet ketin ber hev. Li navçeya Qelqelî, Serav, Bêgirî, Ebex û Payîzava pêşhilbijartinên hatin taloq kirin, lê tê payîn ku rêjeya dengên namzetên hevşaredarên Bajarên Mezin, piştî pêşhilbijirtanên van navçeyan zelal bibe.
Rewşa navçeyên ku pêşhilbijartin lê hat kirin wiha ne:
Li navçeya Wan Rêya Armuşê, Tuşba, Elbak, Artemêtê jî hejmartina dengan heta nîvê şevê dewam bike, navçe û bajêr ku zelal bûne wiha ne:
*Westan: Di pêşhilbijartinên ku li navçeya ku tenê namzetek jin hebû de Bedrettîn Dînçer 35 û Ruknettîn Hakan jî 32 deng girtin. Hilbijartin derbasî tûra duyemîn bû.
*Şax: Di pêşhilbijartinan de Reşat Eraslan 107 deng û Alî Osman Baran jî 47 deng standin. Hat diyarkirin ku dê namzeta jin ji aliyê komîsyonê ve were diyarkirin, pêşhilbijartin derbasî tûra duyemîn bû.
*Erdîş: Li navçeya ku pêşhilbijartin derbasî tûra duyemîn bû Baran Bîlîcî 301 û Şakir Asîl jî 123 deng girtin. Di nava namzetên jin de Guler Temel 191 û Menekşe Kizildere jî 176 deng wergirtin.
ERZIROM
*Xînûs: Di pêşhilbijartinan de Ahmet Tîma 53 û Naîm Demîr jî 47 deng standin. Pêşhilbijartinên li navçeya ku wê namzeta jin ji aliyê komîsyonê ve bên diyarkirin, di tûra duyemîn de ye.
*Qereyazî: Di pêşhilbijartinê de Fuat Tutkun 70, Yilmaz Tunç jî 57 deng girtin. Pêşhilbijartin dê derbasî tûra duyemîn bibe, namzeta jin wê ji aliyê komîsyonê ve were diyarkirin.
*Qereçoban: Di dengdayîna ku li navçeyê hat kirin de Kazim Erhan 60, Hevşaredarê niha Halît Uvun jî 45 deng standin. Pêşilbijartin derbasî tûra duyemîn bû. Hevşaredariya jin wê ji aliyê komîsyonê ve bê diyarkirin.
*Tatos: Di pêşhilbijartinê de Abdurrahman Sever 89 û Nîhat Tek jî 34 deng girtin. Li navçeya ku dê namzeta jin ji aliyê komîsyonê ve bê diyarkirin, hilbijartin derbasî tûra duyemîn bû.
COLEMÊRG
*Navenda Colemêrgê: Ji namzetan Sînem Seven 248 deng, Viyan Tekçe 315, Mehmet Sıddık Nakit 240, Şukru Çallı 272 deng girtin. Ji ber ku ji sedî 50+1 dengên jin û mêr bi dest nexist ji tûra duyemîn re ma.
*Şemzînan:Di pêşhilbijartina ku li Rêxistina Pêsan a Taxa Pêsan a 2 kîlometre dûrî navenda navçeyê pêk hat, ji namzetan Nazdar Opengîn 281, Medîne Tekîn 142 û Naîf Eroguz jî yek ji namzetên mêr ên hevserokatiyê 142 û Şukru Kaya jî 113 deng girtin. Di encama pêşhilbijartinê de yek ji namzetên hevserokatiya jin Nazdar Opengin bi 281 dengan, Şukru Kaya û Naîf Eroğuz derbasî tûra duyemîn bûn. Di tûra duyemîn de Nazar Opengin û Naîf Eroguz wek hevşaredarên şaredariyê hatin hilbijartin.
MÛŞ
*Navenda Mûşê: Di pêşhilbijartinê de Mehmet Suat Ertugrul 122 û Sirri Soylemez 204 deng standin. Pêşhilbijartina li bajarê ku dê namzeda jin ji aliyê komîsyonê ve were diyarkirin, derbasî tûra duyemîn bû.
*Kop: Di pêşhilbijartinê de Arafat Kardagî 89 û Abdullah Tokyay jî 80 deng standin. Namzeta hevserokatiyê ya jin Aryan Dogan di tûra yekemîn de bi 212 dengan hate hilbijartin, namzetên hevserokatiyê yên mêr derbasî tûra duyemîn bûn.
*Milazgir: Di hpêşilbijartinên navçeyê de namzetên hevserokatiya jin Gulîstan Ozel 217 û Sema Tekîn 168 deng, namzetên hevserokatiyê yên mêr Ahmet Kenan Turker 236 û Îlhamî Eren jî 89 deng stendin.
*Gimgim: Di pêşhilbijartinan de Giyasettîn Aydemîr 233 deng stend û Gulbahar Kaya jî bi 118 dengan di tûra yekem de bû namzeta hevserokatiyê.
ÎDIR
*Navenda Îdirê: Di pêşhilbijartinan de Mehmet Nûrî Guneş 177, Mehmet Çirka 70 û Huseyîn Akçin 70 deng girtin. Di nava namzetên hevserokatiya jin de Nejla Kul 200 û Evîn Serhat jî 114 deng girtin. Hilbijartinên li Îdirê derbasî tûra duyemîn bûn.
*Tozan: Di pêşhilbijartinê de Mustafa Maman 45 û Yilmaz Korkusuz jî 43 deng girtin. Pêşhilbijartin derbasî tûra duyemîn bû, wê namzeta jin ji aliyê komîsyonê ve were diyarkirin.
AGIRÎ
*Navenda Agirî: Di pêşhilbijartinan de Maşuk Arpaç 93 û Memet Akkuş jî 89 deng wergirtin. Namzeta hevşaredariya jin Hazal Aras beriya tûra duyemîn bi 283 dengan bû namzeta Hevşaredariya Agiriyê. Ji bo namzetên hevserokatiya mêr sibe tûra duyemîn a pêşhilbijartinê tê kirin.
*Bazîd: Di pêşhilbijartinan de Kenan Alkan 227 deng, Nûrî Çelîk 148 deng, Gonûl Ozturk 140, Aygûl Aşan jî 134 deng standin. Hilbijartin derbasî tûra duyemîn bû.
*Panos: Di pêşhilbijartinan de namzetên hevserokatiyê yên jin Rojbîn Kartal 176, Solmaz Ozlen 192 deng, namzetên hevserokatiyê yên mêr Mîr Bedirxan Ayaz 113 û Cabîr Tozan jî 119 deng stendin. Hilbijartin derbasî tûra duyemîn bû.
*Giyadîn: Di pêşhilbijartina ku li navçeyê hat kirin de Adnan Dogan 74 û Evren Demîr jî 49 deng stendin. Pêşhilbijartin derbasî tûra duyemîn bû, dê namzeta jin ji aliyê komîsyonê ve were diyarkirin.
