Li bajarê Silêmaniyê bi pêşengiya jinan 76’emîn rojbûna Rêber Apo hat pîrozkirin.
Di pîrozbahiya ku bi deqeyeke rêzgirtinê destpê kir de li ser navê jinên Başûrê Kurdistanê Sara Reza axivî.
Sara Reza diyar kir ku hêza ji peyama Rêber Apo girtine 4’ê Nîsanê pîroz dikin û got: “Peyamê guherînên mezin bi xwe re anî. Em jinên Başûrê Kurdistanê baweriya me heye ku em bi têkoşînê îsal bikin sala azadiya fîzîkî ya Rêber Apo.”
Sara Reza destnîşan kir ku Rêber Apo azadiya jinan kiriye navenda xebata xwe û got: “Em jinên Kurd raman û fikrê Rêber Apo belav dikin. Bi boneya rojbûna Rêber Apo li her derê cîhanê dar tên çandin. Ji bo ev sal bibe sala azadiya fîzîkî ya Rêber Apo û sala aştî û civaka demokratîk têkoşînê dikin.”
Piştre jinan û dayîkên Başûrê Kurdistanê weke kevneşopiyekê dar çandin.
Endamê Komîteya Azadî Ji bo Ocalan Ebûbekir Mecîd di çalakiyê de axivî û rojbûna Rêber Apo li gelê Kurd û şehîdan pîroz kir û got: “Bi peyama sedsalê ya ‘Aştî û Civaka Demokratîk’ destkeftiyên mezin ên gelê me pêk tên. Gelê me têhniyê aştî û demokrasiyê ne, em jî piştgiriya banga Rêber Apo dikin.
Di dawiyê de girseya gel li ber stranên şoreşgerî govend gerandin.
