Katz roja Çarşemê daxuyaniyek da û diyar kr ku operasyonên leşkerî ‘Ji bo eciqandina terorîstan û binesaziya terorîstan, ji bo paqijkirinê û bidestxistina qadên berfireh ên li herêmên ewlekariyê yên Îsraîlê bêne entegrekirin’ hatine berfirehkirin.
BANG LI ŞÊNIYÊN XEZEYÊ KIR KU HAMASÊ TÊK BIBIN
Wezîrê Parastinê got, “Ez bang li xelkê Xezeyê dikim ku ji bo qewirandina Hamasê û radestkirina dîlgirtiyan niha bikevin nava liv û tevgerê.”
Berdevkê Erebî yê artêşê Avichay Adree roja Sêşemê têkildarî bûyerên li herêmên berfireh ên Refahê û bajarokê Xan Yûnisê bi rêya X’ê axivî.
Adree got, “Guh nedin Hamasê ku dixwaze we weke mertalên zindî bi kar bîne û nahêle hûn ji herêmê bêne veguhestin. Herêmên hatine diyarkirin tavilê vala bikin.”
Li gorî Wezareta Tenduristiyê ya Xezeyê ku di bin kontrola Hamasê de ye, ji 18’ê Adarê dema xerakirina agirbestê û vir ve di êrîşên artêşa Îsraîlê de 1.042 kes hatin kuştin. Ji 7’ê Cotmeha 2023’an dema destpêkirina êrîşa Hamasê ya li ser Îsraîlê û vir ve ku şerekî giran destpê kir, di encama êrîşên Îsraîlê de bi giştî 50 hezar û 399 Fîlîstînî hatin kuştin.
