Koordînasyona Komalên Ciwan bi daxuyaniyekî nivîskî meşa ciwanên Kurd a ber bi Amarayê ve û beşdarên ku hêzê didin meşê, silav kir.
Di daxuyaniya bi sernavê “Em ber bi rojhilatinê ve bimeşin, bi civaka demokratîk azad bibin” de wiha hate gotin:
“Fêmkirina heqîqeta Rêber Apo, ji fêmkirina rastiya Kurd û Kurdistanê ku di bin qirkirina çandî û fîzîkî de ye, derbas dibe. Di rastiya Kurdistanê de heqîqeta Rêbertî ava ji bo xaka zûha, nefesa civakekî ku tê xwestin bênefes were hiştin û bûyîna giyana kesayeta Kurd ku hewl te dayîn veguherînin miriyekî ser piyan e. Di vê wateyê de fêmkirina Rêbertî, fêmkirina kesayet û civakbûna xwe ye.
Rêber Apo di meşa xwe ya azadiyê ya 53 salî de di nava şoreşê de şoreş pêk aniye û hîna jî pêk tîne. Şoreşa herî mezin jî di mejî û dil de kiriye. Ev heqîqet li tevahî Rojhilata Navîn û cîhanê bûye zayîn û hêviya gelê Kurd û kesên ku lêgerîna nasname, çand û azadiya xwe dike.
Fêmkirina Rêber Apo, fêmkirina azadiyê, fêmkirina azadiyê jî bûyîna civaka birêxistinkirî ye. Azadî li dora civakîbûnê kombûn û rêxistinbûn e. Civakbûna me Rêbertiya me ye. Rêxistinbûna demokratîk a civakê me, tê wateya ciwankirina civaka me. Civaka ku ciwan dibe, pêşengtî dike û birêxistin dibe. Li ser vê bingehê meşa ku 1’ê Nîsanê bi pêşengiya ciwanên şoreşger û welatparêz bi dirûşmeya “Em bi civaka demokratîk ber bi azadiyê ve dimeşin” destpê kir, serhildana li hemberî koletî û baweriya li jiyana azad e. Meşa Amarayê meşa dîtina heqîqeta Rêbertî û vegera ser cewhera xwe ye. Divê neyê jibîrkirin ku cewhera ku ciwanên Kurdistanê xwe bibînin, rastiya Rêber Apo ye. Ciwanên Kurdistanê bi qasî ku Rêber Apo fêm bikin û jiyan bikin, wê cewhera xwe bibînin. Ciwanên Kurdistanê azadiya xwe bi Rêber Apo re nas kiriye. Bi Rêber Apo re bûne îrade û ruh qezenc kirine. Ji ber vê yekê ciwanên Kurdistanê divê girtina Rêber Apo di bin pergala êşkence û qirkirinê de bikin sedema bingehîn a têkoşîna xwe û azadiya fîzîkî ya Rêbertiya me wekî esasa jiyan û têkoşînê diyar bikin.
Em bang li hemû ciwanên Kurdistan û Tirkiyeyê yên ku dixwazin ji bo cewhera xwe têbikoşin dikin ku tevlî vê meşê bibin û vê karwana azadiyê mezin bikin. Em wekî Koordînasyona Komalên Ciwan vê meşa azadiyê û beşdarên ku hêzê didin meşê silav dikin. Em bang li ciwanên Kurdistan û Tirkiyeyê dikin ku ji bo azadiyê bimeşin û ji bo civaka demokratîk têbikoşin.”
