Koordînasyona Kongra Star bi daxuyaniyekê diyar kir ku azadiya Rêber Apo azadiya wan û bêrêziya li hember Rêber Apo û siyasetmedaran qebûl nakin.
Di daxuyaniyê de wiha hate gotin:
“Weke Rêxistina Kongra Star ev demeke heqaret û bêrêziya li hember Rêber Apo em ji nêzve dişopînin. Bi rastî jî di demeke wisa de ku hemû hewldan û têkoşîn li ser esasê aştî û demokrasiyê kombûye de û Rêber Apo bi israr dixwaze xwişk-biratiya di navbera gelan ava bike de êrîşên bi vî rengî gelekî kirêt û tirsonek in. Em dixwazin bibêjin ku ev gotinên di şexsê kesekî bi navê Musavat Dervîşoglu û Turan Çomez ku ji Îyî Partiyê de cih digirin ve di meclîsê de hatine gotin ji derveyî tevlîheviyê tiştekî din ava nake.
Di encama gotinên van şexsan de îro em dizanin ku li trîbûnên lîstoka fotbolê ya di navbera Gurcistan-Tirkiyê de li hemberê Rêbertiya me heqaretên kirêt hatine kirin. Em baş dizanin ku ev kesên weke Turan Çomez, Musavat Dervîşoglu bi sorkirina nefretê ya di navbera gelan de rê li ber van tiştan vedikin û tenê fitneyê dikin. Ya rastî ev kes ji şer, ji kuştina ciwanan, insanan, ji qeyranê têr dibin û feyde digirin. Ji ber wê jî di navbera gelan de aştiyê naxwazin, û ji bo ku li dijî aşitiyê bixebitin jî dikevin nava hewldanên bi vî rengî ên qirêj.
Lê heqîqeta heyî ji aliyê hemû cihanê ve tê zanîn ku Rêber Apo di vê demê de kesê ku herî zêde ji bo aramî û aştiya civakan di nava hewldanê de ye. Ruxmê ku Rêbertiya me ev demeke dirêj e ji bo gelên Tirkiyê di nava hewldanên aşitiyê de ye, li hember jehra netewperestiyê di nava şerekî de ye, ruxmê ku ev 27 sal e di bin şert û mercên herî giran ên tecrîdê de, tenê ji bo ku pêşiya pevçûna di navbera gelan de bigire di nava kûrkirina projeya aştî û demokrasiyê de ye, ev nêzîkatiyên ku tên raberkirin teqez nayên qebûlkirin. Ev nêzîkatî ne nêzîkatiyeke beşeke netewperestan e, lê polîtîkayeke pir bi zane bûne. Sebebên pirsgireka Kurd ji nedîtî ve hatin e.
Em dizanin ku sêgoşeya dewlet-artêş-milet ve netewperestiya Tirkiyê tê kûrkirin. Ev jî di navbera gelan de dubendiyê, nefretê kûr dike, sor dike. Ev kesên ku rê li ber van xeteriyan vedikin di esasê xwe de yên li dijî welatê xwe, gelê xwe ne jî. Ji ber ku ew dijî aştî û demokrasiya gelan in û tenê ji şer xwe têr dikin, xwe bi rê ve dibin. Teybet axaftinên qaşo serokê İyi partî Musavat Dervişoğlu dixuyin ku, pevçûna di navbera gelan, gurkirina faşîzm, bêrêziya li hember hemû gelan de dubare ye.
Ev kesên wiha li şûna ku bi vî rengî tev bigerin bila biçin gel Serokatî hevdîtinan bikin, û ji bo pêşerojeke demokratîk a Tirkiyê pêwîst e xwedî hewldan bin. Lê şûna wê ev nêzîkatî pêşxistin, pêvajo sebota kirin, ev yek nayê qebûlkirin.
Bila ev kes bizanin ku nêzîkatiya li dijî Serokatiya me nêzîkatiya li dijî hemû jinan û gelan e. Her wiha weke rêxistina Kongra Star em nêzîkatiya li hember Pervîn Buldan jî bi tundî şermezar dikin. Pêwîst e ji aliyê hemû rêxistinên jinan ve bi baldarî bertek bên nîşandan.
Weke jinên Rojavayê Kurdistanê em dibêjin ku azadiya Rêbertiya me azadiya me ye. Em heqaretên li dijî Rêbertiya me û siyasetmedarên me qebûl nakin. Pêwîst e li hember van nêzîkatiyan hemû dost û rêxistin jî bikevin tevgerê da ku ev kes bên teşhîrkirin, ku careke din cesaret nekin van gotinan bikin.” van gotinan nekin.”
