Bi armanca avakirina Hêzên Parastina Jîngehê, bernameyek li avahiya Desteya Jîngehê ya kantona Reqayê hat lidarxistin. Endamên Hêzên Parastina Jîngeheê yên kantonan, endamên meclisên jîngehê yên Bakur û Rojhilatê Sûriyeyê û hevserokên Desteya Jîngehê ya Bakur û Rojhilatê Sûriyeyê amade bûn.
Hevserokê Desteya Jîngehê ya Herêma Bakur û Rojhilatê Sûrieyê Îbrahîm El Esed axivî û diyar kir ku divê çavdêrî li rewşa jîngehê were kirin, nemaze ji ber bûyerên ku di salên dawîn de li gelemperiya Sûriyeyê, bi taybetî li bakur û rojhilatê wê rû dane.
Ji rêveberên Hêzên Ewlekariya Hundirîn Casim El Dêf jî bal kişand ser rola hişyarkirinê ku hêzên parastina jîngehê pê rabin û got divê sîstema parastina jîngehê li gorî şert û biryarên ku desteyê destnîşan kirine, were pêkanîn.
Casim El Dêf diyar kir ku ev hêz dê li tevahî kantonên herêma Bakur û Rojhilatê Sûriyeyê werin belavkirin û dê li dijî nêçîrvaniya bêserûber, qutkirina daran û hwd bixebitin. Her wiha anî ziman ku yekîneya nû ya van hêzan bi hejmareke guncaw dest bi mîsyona xwe bike û bernameyeke stratejîk a pêşketin û piştgiriyê deyne.
Hêzên Parastina Jîngehê dê bi Desteya Jîngehê re dewriyeyan li daristan, çem û deverên xwezayî pêk bîne, ji bo karasetên xwezayî jî her tim amade bin.
