Li gorî çavkaniyên Fîlîstînî, 6 qemyon serê sibehê li pêşiya kampê li hev kom bûn û karê radestkirinê pêk hat.
Heman çavkaniyan ragihandin ku beriya du rojan bi heman rengî bi şev çek bi rengekî veşartî hatin radestkirin.
Ev gav di çarçoveya plana bêçekkirina milîsan de pêk tê ku di navbera hikumeta Lubnanê û Rêveberiya Fîlîstînê de beriya bi mehan hatibû amadekirin.
Di çarçoveya planê de li gel komên Fîlîstînî her wiha wê komên çekdar ên din ên li welêt jî bêne bêçekirin.
Di 21’ê Tebaxê de li kampa Burc el-Brajne ya li başûrê Beyrûdê hin komên Fîlîstînî çekên xwe radestî artêşa Lubnanê kiribûn.
Pêvajoya ku meha Hezîranê hatibû plankirin ku destpê bike, ji ber şerê 12 rojan ê navbera Îran û Îsraîlê hatibû taloqkirin.
Hikumetê her wiha eşkere kir ku Hîzbûllah jî wê bê bêçekirin. Lê belê tevgera Şîa vê gavê red dike.
