Hêzên Sûriyeya Demokratîk (QSD) bi malbatên şehîdan û xelkê bajarokê Kîsra yê kantona Dêrazorê re ji bo nîqaşkirina pêşdeçûnên siaysî yên dawî û guhdarîkirina li xwestekên wan civiya.
Di civînê de nûnerên ji deste, meclisên xwecihî, komîn, endamên Meclisa Malbatên Şehîdan û xelkê kantona Dêrazorê amade bûn.
Civîna li Navenda Çandê ya bajarokê Kîsra li dar ketiye, bi deqeyeke rêzigirtinê dest pê kir. Dûre ji fermandarên QSDˊê Baz bi xêrhatina beşdaran kir û bal kişand ser pêdeçûna siyasî yên li herêmê di warên neteweyî û navneteweyî de. Baz diyar kir ku QSDˊê li dijî astengî û planên aramiya herêmê hedef digirin, disekine û li gorî daxwazên gel tev bigere.
Şêniyan di nîqaşên xwe de behsa kêmasiyên xizmetguzariyê yên bingehîn, pêdiviya başkirina binesaziyê, astengiyên li pêşberî perwerde, av û tenduristiyê kir.
Endamê rêveber ê Yekitiya Şaredariyan a kantona Dêrazorê Mihemed El Butum li axaftinên şêniyan guhdar kir û bersiv da. El Butum got ew ê li gorî derfetên heyî van pirsgirêkan çareser bikin û bal kişand ser girîngiya beşdarkirina civaka xwecihî di nexşekirina xebatên li bajarok de.
