Li gorî nûçeya AFP’ê, polîsên Pakistanê diyar kirin ku sibeha Duşemê sê êrişkaran li hemberî nobedarên li ber derî çalakî kirin, 2 êrişkar karîbûn bikevin hundir û piştî demeke kurt hatin bêbandorkirin. Hate ragihandin ku di encama êrişê de 3 wezîfedarên ewlekariyê jiyana xwe ji dest dan, 4 jî birîndar bûn.
Heta niha kesî berpirsyariya êrişê li xwe negirtiye. Serokwezîr Şahbaz Şerîf êriş şermezar kir û ragihand ku kiryar wê bêne cezakirin û têkoşîna wan a li dijî terorê wê bi biryardarî dewam bike.
Pakistanê ragihand ku mehên dawî êrişên li ser hêzên ewlekariyê zêde bûne û komên weke Talîban a Pakistanê ya li Efganistanê (TTP) ji êrişan berpirsyar dibîne. Îslamabadê ragihandibû ku êrişa 11’ê Mijdarê ya li ber dadgeheke li paytextê ku di encamê de 12 kes mirin, ji Efganistanê hate birêxistinkirin.
Têkiliya navbera herdu welatan ji ber şerê li ser sînor ku herdu alî hevdu sûcdar dikin, di demeke aloz de ye.
