Li gorî ajansa nûçeyan a fermî ya SPA’yê çar kesên Somaliyê û sê kesên ji Etyopyayê ji ber ku bi awayekî veşartî xaşxaşê kirine welat, li herêma Necran a Başûr hatin bidarvekirin. Di heman rojê de hemwelatiyekî Siûdî ji ber kuştina dayika xwe, hate bidarvekirin.
Ji destpêka 2025’an ve li Erebistana Siûdî 230 kes hatin darvekirin, 154 ji van ji ber tiryakê hatin bidarvekirin. Ev hejmar nîşan dide ku rekora ku di 2024’an de bi 338 darvekirinan hate tomarkirin, vê îsal derbas bike.
Pisporan vê zêdebûnê bi polîtîkayên “şerê li dijî tiryakê” re girê didin ku di sala 2023’an de hate destpêkirin. Darvekirinên ji ber tiryakê ku di sala 2019’an de bi demkî hatibû rawestandin, di dawiya 2022’an de dîsa destpê kiribû. Di sala 2022’an de 19, di sala 2023’an de 2, di sala 2024’an de jî 117 kes ji ber van sûcan hatin bidarvekirin.
Rêxistinên mafên mirovan diyar dikin ku ev darvekirin zirarê dide nûjenbûna welêt. Rayedarên Siûdî jî diyar dikin ku cezayê kuştinê ji bo parastina pergala raya giştî pêwîstî ye û piştî ku hemû rêyên qanûnî tên bikaranîn, piştre tê pêkanîn.
