Li paytexta Ermenîstan, Erîvanê bi wesîleya salvegera 111’emîn Komkujiya Ermeniyan a 24’ê Nîsana 1915’an merasîma bîranînê hate lidarxistin. Serê sibê merasîma fermî ji aliyê dewletê ve hat li darxistin. Piştî merasîma fermî bi hezaran kes li qada bajêr li hev civiyan û heta qada Tsitsernakabertê meşiyan. Li vir qurnefîl û çeleng danîn cihê agirê bîranînê.
Saziyên Kurdan ên li Ermenîstanê jî beşdarî merasîmê bûn.
Di merasîma bîranînê de li ser navê saziyên Kurdan hevserokê Kurdistan Komîte, Silo Dirboyan axivî.
Dirboyan got: “Em weke sazî û rêxistinên Kurdan ên li Ermanîstanê êşa gelê Ermenî parve dikin û komkujiyê şermezar dikin. Ji bo carek din gelê ku bi hev re jiyan dikin, bi komkujî û qirkirê re derbas nebin pewîste dîroka xwe baş nas bikin û li hemberî hêzên qirker bibin yek. Em careke din weke saziyên Kurd komkujiya li ser gelê Ermenî şermezar dikin û dibêjin em weke gel êşa we parve dikin.”
