Nûnerên partiyên siyasî, rêxistinên jinan, hevserokên şaredariyan û gelek welatî beşdarî civîna ku li ji hêla DEM Partiyê ya Erziromê hta lidarxistin, bûn.
Hevberdevka HDK’ê Meral Daniş Beştaş di civînê de axivî û diyar kir ku têkoşîna gelê Kurd êdî ketiye qonaxeke nû. Meral Daniş Beştaş got, “Li her derê cîhanê têkoşîna hebûna gelê Kurd tê naskirin û bihîstin. Têkoşîna gelê Kurd a ji bo wekhevî û azadiyê li her derê belav bûye. Birêz Ocalan nexşerêyek daniye li şûna çekê nexşerêyeke siyasetê daniye pêşiya me. Kurd di têkoşîna hebûnê de bi ser ketin. Kes nikare hebûna Kurdan înkar bike. Ger îro li ser maseyek hebye, ev bi saya bedel û têkoşîna mezin a ku hatiye dayîne. Gelê Kurd ji têkoşîna hebûnê derbasî qonaxa bidestxistina mafên xwe bûye.”
Meral Daniş Beştaş bal kişand ser pêwîstiya xurtkirina siyaseta demokratîk û wiha domand, “Kes mafên me li ser tepsiyê nade me. Ji bo vê yekê, divê em têkoşîna xwe xurttir bikin. Divê em ji trawmayên ku dewletê ji pêvajoyên berê çêkirine, xwe rizgar bikin. Divê gel bi awayekî xurt xwdî li aştiyê derkeve. Di vê mijarê de divê em ji Birêz Ocalan û ji xwe bawer bin.”
Civîn bi pirs û bersivan berdewam kir. Welatiyan diyar kirin ku ji ber ku dewlet gavên şênber navêje baweriya wan kêm dibe û destnîşan kirin ku di pêvajoya aştiyê de ew li benda gavên hiqûqî û pratîkî ne.
AMED
Li navçeya Bismil a Amedê li çar cihan stand hatin danîn. Di çalakiya ku hevşaredar û rêveberên navçeyê beşdar bûn de, li Kolana Îstasyonê meş hate lidarxistin, dikandar û welatiyan bi çepikan piştgirê dan meşê. Di meşê de dirûşmeya “Bijî aştî” hat berzkirin. Hevserokê DEM Partiyê yê navçeyê Cemîl Tekînoz diyar kir ku armanca wan ew e ku li Bismilê 80,000 îmzeyan kom bikin û banga “Ji bo aştiyek mayînde û bi rûmet divê her kes îmze bike” kir.
FARQÎN
Li Qada Rindexan û Kolana Gazî yên Farqînê û li Qada Çeşme ya Pîranê yên Amedê stand hatin danîn. Hevşaredarê Farqînê Kadrî Esen bang li welatiyan kir ku piştgiriyê bidin pêvajoya aştiyê. Hat ragihandin ku li Pîranê heta 1’ê Cotmehê her roj li cihên cuda wê stand vekirî bin.
SÊRT
Parlamentera DEM Partiyê ya Sêrtê Sebahat Erdogan Saritaş jî beşdarî standa li Kolana Gures a Sêrtê bû. Parlamenter Saritaş destnîşan kir ku banga Rêber Apo ya 27’ê Sibatê ji bo Tirkiye û Rojhilata Navîn firsendeke girîng e û xwest ku her kes piştgiriyê bidin kampanyayê.
ÇEWLÎG
Li Çewlîgê kampanyaya ku ji 18’ê Îlonê ve berdewam dike, li ber avahiya bajêr berdewam dike. Li Qada Seyîd Riza ya Dersimê her roj standa îmzeyan wê di navbera saet 13:00 û 18:00an de vekirî be.
XARPÊT
Standa ku li Garaja Hozatê ya li Xarpêtê hatiye vekirin, wê di tevahiya meha Îlonê de ji Pêncşemê heta Înê di navbera saet 12:00 û 17:00 de vekirî be.
DEM Partî ragihand ku kampanya dêwê heta dawiya Îlonê li seranserê herêmê berdewam bike.
