Di çalakiyan de ji Tirkiyeyê hate xwestin, ji bo misogerkirina paşerojeke wekhev û ewle ya zarokan gavên bi lez biavêje.
Naskirina mafê perwerdeya bi zimanê dayikê, rakirina hemû şertên li ser Peymana Mafên Zarokan hatine danîn, tevlîkirina daxwazên zarokan li pêvajoya aştî û çareseriyê, têkoşîna li dijî xebitandina zarokan, xurtkirina sîstema edaletê ya zarokan, girtina girtîgehên zarokan, parastina zarokan li herêmên şer, bidawîkirina polîtîkayên bêcezahiştinê, ewlekirina mafê jiyanê yê zarokan ji daxwazên sereke bûn ku di daxuyaniyan de hatin bilêvkirin.
AMED
Tora Mafên Zarokan a Amedê, li ber Edliyeya li Amedê daxuyaniyek da çapemeniyê û işaret bi mafê mezinkirina zarokan li nava aştî û azadiyê hate kirin.
EDENE
Şaxê Edeneyê yê Komeleya Mafên Mirovan (ÎHD) bi raporekê diyar kir ku di nava 10 mehan de herî kêm 700 zarokan jiyana xwe ji dest dan, ku mirina wan dikarîbû bihata astengkirin.
HATAY, ÎZMÎR, RIHA Û WAN
Li Hatay û Skenderûnê di daxuyaniyan de ÎHD’ê banga veguherîna civakî û aştiyê hate kirin.
Şaxê Îzmîrê yê ÎHD’ê bal kişand ser mafê jiyana zarokan a li nava aştiyê û destnîşan kir ku pêwîstî bi veguherîna hiqûqî û civakî heye.
Li Wan û Rihayê di daxuyaniyan de heman daxwaz hatin bilêvkirin.
