Amadekaran diyar kirin ku fîloya nû ya xwe amade dike bi rê bikeve, ‘hewldana herî mezin’ e ku heta niha hatiye kirin.
Global Sumud Flotilla bi Erebî tê wateya ‘Berxwedêrî/Biryardarî’.
Tê plankirin ku keştî 31’ê Tebaxê saet di 15:00 de ji bendergeha Barcelonayê bi rê bikevin. Di nav keştiyan de, keştiyek heye ku aktîvîsta Swêdî Greta Thunberg jî lê ye.
Fîlo her wiha ji dehan keştiyên ji alîkariya mirovî pêk tê, ku ji bilî Barcelonayê wê ji bendergehên cuda yên Derya Spî bi rê bikevin. Armanc ew e ku krîza mirovî ya giran a li Xezeyê bixe rojeva cîhanê.
Flotilla xwe weke ‘Înîsiyatîfeke ji hikumet û partiyan serbixwe’ pênase dike.
Beriya niha keştiyek bi navê ‘Madleen’ a ji 12 çalakgerên ji Fransa, Elmanya, Brezîlya, Tirkiye, Swêd, Spanya û Hollandayê di 9’ê Hezîranê de bi rê ketibû û li peravên Xezeyê ji aliyê artêşa Îsraîlê ve hatibû astengkirin.
Neteweyên Yekbûyî hefteya derbasbûyî eşkere kriibû ku li Xezeyê birçîbûn heye û nêzî 500 hezar kes ‘di asta felaketê’ de bi pirsgirêka xurekê re rû bi rû ne.
